Buttermilk 的威力[巳加食譜]

真的愛上了 buttermilk 哦...
真係超鬆軟超正呀！

入爐前.......

出爐後......

加入核桃粒更吸引

加入mini朱古力粒 

從未整過如此鬆軟的 muffin...........

呢隻提子超大超甜超新鮮！
全家都食唔停口呀........

近期真的瘋狂愛上用 buttermilk 嚟整呢樣整嗰樣,
因為.....真係好正超鬆軟,
真的不可少看 buttermilk 的威力呢！

粒粒朱古力鬆餅
(可製 6 個 45mm 小杯) ( 12 個則加倍以下份量 )

朱古力粒‧‧‧50g
可可粉‧‧‧‧5g
自發粉‧‧‧‧145g
發粉‧‧‧‧‧1/5tsp
糖‧‧‧‧‧‧35g
全蛋‧‧‧‧‧1pc
Buttermilk‧‧‧125g
溶牛油‧‧‧‧30g

做法

1)  將蛋及糖拂勻

2)  加入 buttermilk、溶牛油攪勻；再篩入自發粉、發粉及可可粉，攪勻至麵糊呈啡色

3)  加入朱古力粒攪勻至平均地混合於麵糊中

4)  將朱古力麵糊倒入紙模中約 2/3 滿即叮

5)  面上再鋪上朱古力粒，放入已預熱華氏 350 度焗爐焗約 20 至 25 分鈡即成

P.S. 可混入自己喜愛的核桃、藍梅及杏仁等

最好撈？？？

每次返香港都會去坐吓、食吓、傾吓、撈吓嘅地方,

分店週圍都係,  但水準竟然各有不同,

呢间位於黄大仙....水準認真嘛嘛呢！

賣相幾 OK 架！可惜喺炎炎夏日之下......

啲嘢竟然唔夠凍呀.....咁你話好唔好食吖？

對呢间鋪头真係扣晒分呀！

仲話最好撈添........

新配方清蛋糕 (附食譜)

好耐冇整清蛋糕喇, 可能太清吧！

今次改咗新配方...效果十份滿意哦,

改良之後蛋糕更鬆軟,  真的令人好不惜手呢！

切件後包得靚靚咁....攞去請家姐及姨甥哋品嘗呀！

清蛋糕

材料

雞蛋            7 隻
糖                3/4 杯
低筋粉        1 1/2 杯
泡打粉        1 荼匙
Buttermilk    3/4 杯
菜油            少許

做法

1)  蛋白混入 一半糖，用快速打六分鈡待用。
2)  蛋黃打勻後篩入 低筋粉、剩餘的一半糖 buttermilk 及泡打粉拌勻。
3)  將 2) 加入少許菜油，然後混入 1)。
4)  用华氏 350度焗 30分鈡，然後轉华氏 150度焗 15分鈡即成。

將水的份量改用 buttermilk,  效果果然驚人無比,

蛋糕超鬆軟呀........

下次要試吓用 buttermilk 整 muffin 至得,

一定超好味啫！

Brownies 的魅力(附食譜)

大小姐係 Brownies 痴,
亦叫咗我幾萬次整比佢食,
但一直未發現倒合心水的食譜,
直到昨天才買齊材料,
好喇！終於動工喇................

食譜  (copy from Vanlily)
 (但我改為雙倍分量及減少糖份)

朱古力 140g

牛油 100g

雞蛋 4隻

糖 150g

低筋麵粉 60g

朱古力粉 20g

入爐朱古力粒 60g

 

1) 牛油和朱古力每次叮20sec至溶

2) 糖和雞蛋打至發白, 加入(1)中拌勻

3) 篩入低筋麵粉和朱古力粉, 最後拌入朱古力粒

4) 以200c焗20mins, 用牙籤測試至沒有黏物為止

5) 取出放涼後再切件

製成品果真沒有令大家失望....
九秒九便搶購一空喇！
不過真係超鬆軟.......
超重朱古力味.....
超吸引.......超好味........
只是仍覺甜了一些,
下次將糖份量改為 100g 至得,
呢過鬆軟版 Brownies 果真味力沒法擋呀！

係時候喇....

天氣報告話下星期有雨....

襯星期日仲陽光普照嘅日子,

亦係時候去 pumpkin patch 度八一八喇！

早上如常的運動完...食飽飽之後就向 pumpkin patch 出發,

雖然好猛太陽,  但亦十分大風....

吹到風沙四起,  但仍無損兩個寶貝的雅興呢！

早上去公園時遇見有一大班人玩無線艇賽,  好鬼 pro 呀！

簡完就去呢度比錢...

風塵僕僕....

少爺仔有收獲喇....全部親力親為架！

呢啲全部係我嘅.....

經濟唔好就連南瓜都冇往年咁豐收,

唔通真係有影響嘅？

相信今年 Halloween 裝飾屋外的人定会比往年的少呢？

希望經濟可以快些轉好吧！

人人都能開開心心歡渡佳節呢！

可憐的少爺仔

07302009 Thursday

上星期巳經預買咗去海洋公園嘅门票,
但世事難料....少爺仔發燒了,
我也被迫跟他留在家中,
我們本來一行九人...但.........
那麽我倆的门票怎樣？
幸得好友 Jenny ..........
把我倆的门票在公園门口賣了出去,
雖然平咗少少...總好過浪費呢！
大小姐就梗係照樣出動喇,
佢又点会放過去玩嘅機会呢！

人山人海...熱得要命

大小姐話恐龍館係今年新增的,

嘩！dinosaur fossil 都有噃...

睇吓佢哋幾努力咁掃呀掃.....

嘩...大小姐去完噃嚟簡直滔滔不絕，
啲 ride 幾刺激.....
啲節目幾精彩.....
啲嘢幾咁難食.....
啲天氣幾咁熱......
呢度嗰度...聽都聽唔切呀！
可憐的少爺仔聽到想喊咁....
最慘就係有佢最鈡意嘅 dinosaur 吖嘛！
上年去都冇架嘛............
好彩家姐都買咗隻 dinosaur 公仔比佢,
真實家姐都好錫佢架！

全部啲相都係大小姐影架....
O 唔 OK 呢？

親情

07312009 Friday

話說少爺仔去完挪亞方舟之後就開始發燒,

真係有得震就冇得瞓....

呢日就被迫留喺屋企休息,

我又約咗醫生下晝去睇眼,

好彩 Rosa 表姐仗義幫忙......

買理餸上嚟煮埋飯過我哋食,

真係好感動呢！

話時話吖................

呢日真係番嚟咁耐第一次喺屋企開餐咋！

套枱櫈係新買嘅.......

齋香腸

雖然只是一餐平凡不過的家常便飯,

但卻讓我有种十分温暖的感覺！

呢种感覺叫做親情哦........

多謝你呀 Rosa 表姐。