獨家享用的麻辣沙茶牛肉湯河

小朋友唔食辣，
所以大家都好少会在我的晚餐中見倒有辣的餸菜。
但我又勁愛辣......
怎辨？？？.......

惟有在我一個人午餐的時候.....盡情地辣一辣吧！
今次用麻辣沙荼醬弄了這個牛肉湯河。

雖然只得自己一個人享用.....
但巳教我回味又回味呢！
加上今日心情靚靚......
所以食得特別開心呢！

簡單才是最好的

日日要煮飯，
有時諗食乜餸都諗到儍，
前天特意多留了些白飯，
即係話今晚的炒飯是有預謀的
也特地買了火腿扒.....
用火腿扒切成小方粒，
用嚟炒飯一流呀！
我炒飯喜歡用鹽水.....
白雪雪係咪好靚仔呢？
上碟前加入大量我的至愛.......葱粒！

簡單易做......又好味！
原來這樣才是最好的！

慌失失.....失敗的香蕉蛋糕

一向認為這個是百戰百勝的香蕉蛋糕食譜，
但人為的疏忽就往往出現眼前，
這次改用低脂牛油.......
錯誤將泡打粉當梳打粉咁落.....
簡直就係心不在焉.......慌失失咁

出爐一睇.......
顏色唔得.......
個樣唔得.......
味道？？？.....唔夠香......
總知一句講晒..."失敗"
真係要好好咁檢討一吓至得喇！

靚靚清蛋糕 (改良版)

話說上次買咗兩個超靚靚嘅蛋糕模，

咁就梗係要搵機会去試整佢啦！

今次改良後蛋糕濕潤啲冇咁乾，
將半杯水改為 3/4 杯鮮奶，糖再減至 3/4 杯，
效果出奇的好呀.....直头啱啱好！
滔手脫膜簡直易如反掌，
靚模即係靚模......真係冇得彈，
配以士多啤梨果醬及藍梅一同享受，
簡直就係人生一大樂事。

鬥智鬥力

現今的小孩無論在物質或是食物上都太豐富了，
做父母的更要打醒十二分精神，
每天都要跟他們鬥智鬥力，
確保孩子們得到均衝的營養，

大小姐不吃青椒，
少爺仔不吃洋葱，
大少唔鈡意食菠菜，
全部都是超健康的蔬菜類，
唔食又点得呢！

甚麽材料一到我手上，
我都要另他們食咗都未知呢！
全部將之切到細一細，
混入牛肉碎及醬料內，
淋在螺絲粉上......
在神不知鬼不覺的情况下，
食咗都未知喇......
佢哋仲話好好味添呀！哼！

現今做父母認真不易，
我們這個厨房 CEO 更是難上加難，
大家一同努力，
去跟我們的至愛來鬥智鬥力吧！

豐富的星期五晚餐

星期五.....心情特別靚，
無功課、無考試、無測驗、無壓力，
Yeah！！！
既然係咁正....
咁就梗係煮番餐正架喇！
呢排真係懶咗好多呀.....
暑假將近吧，
個心巳經放咗假 luuuu...

今日啲雞肶菇好靚，
用嚟炒火腿同菠菜....一流！
呢個粟米三文魚....必勝(第一時间清晒)

韓燒汁薯仔雞扒....新嘗試，
都幾正噃！

煲咗三個鈡嘅滋味羅宋湯......

好豐富好滿足的一餐呀！
見倒佢哋食得咁開心，
就是我滿足的湶源喇！
乎復何求呢！

Hawaiian Day + butterfly project

今日適逢学校的夏威夷日，
及要交五月份的 Family Project，
個個都要穿上有関夏威夷的服飾，
实行班班鬥靚呀！
边班最多人打扮的....就会贏得 Ice cream party 呢！

又全家總動員齊齊出動，
為本学年少爺仔最後的一個 project 而努力。
返到六月四日之後就放 Summer 喇.....Yes！

又係時候去我嘅百寶櫃度揾材料啦！
大家一致簡咗呢幾样出嚟......
開工啦！

完功喇......O 唔 OK 呢！

Hawaiian Day.....就緊係要貼題啦！
噚日先比我喺 Old Navy 揾倒呢件 Hawaii shirt.
對鞋就喺 Nordstrom 揾倒.....係咪好襯呢？

少爺仔攞咗我個太陽眼鏡嚟扮嘢......

忙碌的一個星期五.....

也是一個期盼的星期五.....

總知最愛就係星期五...........