鬆晒

這兩個星期都是甚麼甚麼頒獎禮...

甚麼甚麼活動...甚麼甚麼慶祝會,

兩個大帝的節目把我忙得團團轉....

今天總算慢慢停了下來,

讓我好好的享受一頓寧靜的午餐,

縱然是忙.......但忙得十分開心,

因為見倒兩位大帝開心.......我就開心,

還有一天.....就要暫別一個人的午餐了,

返埋聽日......暑假正式就開始,

24/7 的日子.....又怎會有一個人午餐的機會呢?



滷水牛展麵....

簡單, 拔.........滿足!

為兩個多月的暑期活動開始計劃,

雖然大部份的......都巳早有安排,

應該沒甚麼大變動了,

反而我......

卻須要好好的為這75天的長假期而裝備好呢!

碟頭上的Sushi...

Sushi 可說是我們這一家的喜愛食品之一，

少爺仔尤其更甚.....

真係乜都用紫菜嚟包一餐，

皆因大家都喜歡自己包的原故,

就乾趣把壽司飯碟頭上好了，

唔講....我諗大家都唔知係 sushi 飯嚟呢。

加塊豬扒先......

菜又怎可缺少至得架！

少爺仔話今次落 sushi 醋多咗....

酸咗少少咁話喎.....不過都 OK 喇！

照食可也.......yeah！

呢餐最滿足的........該是少爺仔吧！

牛肉芽菜炒烏冬

啲咳叫做好得七七八八,

無無尞想食炒烏冬.....

摷吓雪櫃有咩物資先？

呵呵.....有芽菜、牛肉......

快手咁炒咗個牛肉芽菜炒烏冬，

雖然仲咳咳哋....

但係食烏冬又點少得我嘅至愛辣椒醬至得架？

C 就 C 喇.......

好味哦......

咁又搞掂餐晏仔喇......

超滿足哦！

窩蛋牛肉飯

不喜歡將碎牛肉放進飯煲裏去一同煮,

不是太熟就是不夠滑.....總是差了甚麼似的，

用上自己的一套方法去烹調，

即叫即煮....即食，

吃得家中各人都讓着要" 再來一個 " 呢！

 

飯一定要夠熱....放入碎牛肉、蛋，

快速拌勻即可成美味的窩蛋牛飯，

  

今日天氣只有零度....街道及草地上都結上薄冰，

若不是孩子要上学去.....真不願出門半步，

更甚的就是少爺仔放咗学仲要送他去 swimming lesson,

放學回家快速讓他來一碗熱騰騰的窩蛋牛飯.....

滿足得叫人暖到......入心入肺呢！

咸肉菜飯

朋友由上海返嚟...猛話食乜正物正,

攪到我個腦浮晒啲上海嘢食出嚟....真抵 C！

為有嗱嗱聲揾嘢嚟頂住檔先.....

最快手簡單莫過於嘅就係菜飯架喇！

自己醃咸肉特別正呀.....

加埋白菜就攪掂...真係快靚正呀！

快快嘗一口......

加個青紅蘿蔔粟米老火湯.....潤一潤先。

就係咁簡單巳經超滿足呢！

Homemade Kimchi Fried Rice

成日見艾菲妹煮 Kimchi 炒飯比劉阿寶....睇到我流晒口水，

又懶得去買現成 Kimchi....咁咪自己試吓整囉，

真係與別不同呀！超正....勁辣....爽呀！

等咗足足七日...終於有得食喇，

就試用嚟炒飯喇.......

咪睇個樣以為唔辣呀...我乜調味料都冇落架！

啲飯粒粒都比啲 Kimchi 汁包住....勁好味呀！

醃咗足足七日七夜㗎.....靚唔靚仔呢？

炒嘅時侯啲辣汁落晒啲飯度....

少爺仔唔知走嚟偷食.........呵呵呵！

辣到佢飛咗出九丈遠呀..... C 未？

佢足足飲咗成杯鮮奶至 feel better 咋！

睇佢以後仲敢唔敢偷嘅食先！哈哈哈！

白菜肉碎蛋炒飯

大小姐一連兩個星期的公開試( Star Test )正式開始喇 ！

所以我都一切以簡單為主,

好讓她尊心溫習....做到早睡早起,

佢話食得太飽會好眼瞓架喎！

等佢下星期考完試先好整啲正嘢過佢慢慢嘆喎！

呢個肉碎炒飯就啱晒喇！



加入切碎的白菜及雞蛋一齊嚟炒,



一鑊過有菜又有肉...夠晒方便喇！

再加碗蘋果胡蘿蔔湯就簡直 perfect 到痺喇！
大小姐加油呀！

放肆

每當一個人食午餐的時候....腦袋不其然就会諗起辣！
自己食就幾辣都冇有怕喇.......又放肆喇！

試新嘢.......噚日買咗樽豆豉辣椒油,
急不及待今日就剪綵喇.......

就係呢個炒年糕喇！

單係用呢個豆豉辣椒油嚟炒已經夠晒嘢味,
只要加絛葱...加啲菜...少少肉碎就已經正到暈呀！

爽呀！

天氣一熱個人就冇乜胃口架喇！

又唔想食咁多肉........又懶！

喺腦海度突然彈咗碗湯飯出嚟！

嘻嘻....我嘅 lunch 有着落喇！

雪櫃有啲咩可以加嘅都比我搬咗出嚟....

節瓜切粒....

蝦米....鮮蝦肉....蟹柳....
哈哈....全部放晒落去一齊滾起就攪掂喇！

好清....好甜....好正嘅湯飯哦！

嘆完之後.....個人爽晒呀！

窩蛋牛肉飯

買咗 pack 碎牛肉...突然超想食窩蛋牛肉飯,

鐘意佢夠簡單易整.......真係話咁快就有得食架喇！

小朋友就食熟蛋好啲,

睇吓幾咁滑....

加碟蠔油生菜就攪掂晒喇！

嘩....食埋都唔駛一粒钟, 

真係超快手呀....啱晒我呢啲懶人呀！