夏日炎炎....今日又百幾度喇！
边樹有心機煮飯至得架！
加上星期六又係我們這一家的運動日....
可憐的少爺仔仲差少少先可以玩 Slide 呀,
唔好嬲爆爆喇,
快啲食多啲嘢...咁咪大隻啲高啲囉！
大少~~乜咁激呀！
游完水中場去嘆吓先.....
一杯在手....加埋 popcorn,
滋味到呢........
少爺仔啲羽毛球越打越精呀！
玩到成七點幾先番到屋企,
攰到 C 咗咁......
最快手莫過於食冷麵喇,
今次試新嘢.....
一見倒即買嘅緣茶烏冬是也,
海蜇又點少得呢....
切、切、我切切切.....
主角就係呢杯肥加菲嘅秘製醬汁喇！
一早浸定隻雞諗住手撕,
但返嚟已經攰到阿媽都唔認得喇,
斬咗嚟食算把啦！
自家製薑蓉......正！
就係咁.....嘆住冷氣食冷麵,
真係人生一大樂事呢！
冷麵汁食譜 (參考自肥加菲)
(份量足夠一磅意粉)
1/2 杯生抽
1/3 杯鎮江醋
1/4 杯米醋
1/3 杯糖
麻油適量
少爺仔呀...度高你要挺胸縮肚抬高頭就夠架啦 ...乜事頭得得架...
回覆刪除呀太...玩到散哂你都仲可以整得切冷麵既..仲要咁多配料添..最正係海蜇啦..仲使講既....下次出門前撕定隻雞嘛....
個汁見到d料就爽啦..但點解要2隻醋呀...
[版主回覆07/04/2011 01:34:00]兩隻醋 mix 埋先正架....試吓喇！
係呀少爺仔，正如毛豆姐姐所講，度高要好似選香港小姐咁，挺胸收腹，差少少咋；食多兩碗媽咪煮嘅靚飯，打羽毛球跳多兩下，呢個暑假肯定夠高同爹哋家姐一齊去 "SIR" 水上滑梯．
回覆刪除[版主回覆07/04/2011 07:34:00]係喇.....快啲快高長肥喇！
少爺仔唔使愁 食多碟足料冷麵 跳多幾下 一定掂呀 豆豆問我地係咪約埋一齊整冷麵喎 不過 梗係妳呢個正好多啦
回覆刪除[版主回覆07/04/2011 12:33:00]我就鐘意 Jo 姐嘅麻辣醬多啲喇！
咁係咪唔使買日本ｄ冷面豉油？
回覆刪除[版主回覆07/04/2011 12:32:00]我從未試過日式的冷麵豉油, 你試吓我呢個 compare 吓咪知边個正啲囉！
look like good taste~~
回覆刪除[版主回覆07/04/2011 15:06:00]delicious.....
等我記低個譜先
回覆刪除[版主回覆07/05/2011 15:13:00]超正唔講得笑架. So far 配咩麵都咁正呢！
少爺仔曬到黑哂，眼仲有兩個白圈，證明呢個假期勁游水啦！ 快 啲食多 啲 嘢咪快高長大，玩到 slide 囉！ 喂，呢個冷麵醬汁係咪就係上次妳話個個讚 嗰個呀？
回覆刪除[版主回覆07/05/2011 15:12:00]係呀....應承咗你話 post 架嘛！快啲試吓喇....等你嘅評語架！
我尋日試左,但失敗左,好酸,要落好多糖先甜d,要再接再厲
回覆刪除[版主回覆07/06/2011 13:14:00]應話唔會好酸架....你食好甜架？有冇用 standard 量杯呢？不過我啲朋友試過全部都讚噃！唔緊要....調到自己啱嘅口味就得喇！
好，下星期整蕎麥冷麵時就試妳呢個醬汁啦！
回覆刪除[版主回覆07/07/2011 15:11:00](Empty)
Must try oooooooooooooo
回覆刪除[版主回覆07/08/2011 14:01:00]Try it.....
我家中嘅侄仔又系生得好細粒.讀６／７年級人地以為佢系kindergarten! 去lego land 去咗幾年都唔夠高玩啲 rides!
回覆刪除[版主回覆07/16/2011 09:26:00]mrsleung 好開心你嚟探我呀！
少爺仔最多比人話佢似四、五歲囉！
I have got to try Garfield's recipe. Where is this water park? Not too crowded.
回覆刪除