不愛甜的我卻常為身边人弄甜品,
皆因見倒人食得開心我就更開心,
今日....我就特別整咗樣嘢嚟氹自己開心呢！
材料簡單打開雪櫃便垂手可得.....
全部撈勻就焗得.....
华氏 350 度焗二十分鐘就有得食架喇！
短短二十分鐘已被問咗無數次焗咩咁香呀？
一聲不響為保神秘.....
呵呵......未有人估中就已經可以出爐喇！
咸嘅 muffin 諗住冇人掙.....
點知一出爐已被少爺仔一人搶咗三件據為己有,
一口咬下才驚覺從未試過.....
好味呀媽咪.....好味呀的狂叫了十數聲！
Egg Muffin 大成功呀！
陣陣蛋香另各人都冇法抗拒.....
牛肉碎....紅椒....加埋芝士簡直係絕配！
如意算盤打錯咗.....
身边各人都以狂風掃落葉的姿態搶購一空,
好彩....最終都嘗了一口,
真係唔講得笑呀.....
已經收到 encore order 喇.....
咸嘅真係未試過, 等我又玩下先
回覆刪除[版主回覆07/22/2011 22:08:00]我都冇諗過會咁好味架....冇麵粉嘅 muffin 都係第一次試整, 效果好好.....你都玩吓喇！ 材料可以改為自己喜歡的配答都得架！
我成日都話試整咸MUFFIN 但講到家下都未郁手呢 NY呢幾日熱到人都癲 都係妳SEND兩個嚟我試吓味好過嘞
回覆刪除[版主回覆07/23/2011 03:49:00]我呢边咪又係熱到癲....下次整預你半打呀吓....今次即時沽清喇！
呀太, 我晨早睇左啦.之但係手機留唔到嘛...唔好又話我咁遲呀...口水流足港九架啦... 鹹馬芬我鐘意呀..之前整過1次, 不過冇你呢個咁豐富多料喎..有冇搞錯呀..直情成碟餸裝哂入去呀...少爺仔搶3個咋..俾我成盤拎走啦..唔係咩呀.. 仲有呀..睇真d你都係5層爐黎囉..只係你自己放左2個架之麻...懵到呢...自己用緊既野都數唔清有幾層...
回覆刪除[版主回覆07/23/2011 03:52:00]你同你啲 friend 都是同類哦....咁狼 C 成盤拎走,
係五層....但原爐嚟得兩個架咋！
好多料啊..........
回覆刪除[版主回覆07/23/2011 07:26:00]仲好好味添！
d架你如果自己需要可以去呢個牌子既保養廠度配多幾個架...好似人地攪拌機既頭, 都配多幾個..打蛋黃/白時唔使下下洗咁囉
回覆刪除[版主回覆07/24/2011 11:07:00]咁大個架一定好貴啫..... 我好少焗足五層咁大製咋啫..
我整過鹹 muffin 喇，妳記得嗎？ 點解妳呢次 啲 muffin 好似唔係好發咁呢？Muffin 專家，快 啲寫 report 俾我！
回覆刪除[版主回覆07/24/2011 11:05:00]發咗你仲見倒我咩.....
乜原來妳都係 嗰 啲發 咗就唔識人 嘅人 嚟 o架！！
回覆刪除[版主回覆07/24/2011 14:15:00]咁我咪係正常人囉！
嘩...發達啦...食番個先
回覆刪除[版主回覆07/25/2011 08:43:00]咁遲仲边樹有至得架！
真係咁正, 攪到我心思思 TIM.......
回覆刪除[版主回覆07/25/2011 10:40:00]Try try la....