天寒地凍煲煲煲

天氣一轉涼....就会心思思想食煲仔飯,
但用瓦煲火力難控制,
比我煲裂咗嘅瓦煲大大話話不下十個,
真係有啲怕怕呀！
話過唔会再買瓦煲架喇....
所以今次試用呢個煲煲睇吓得唔得先？

阿蘇教落啲臘腸要直插落去啲米嚟煮先至入味架！
一半咸魚....一半碎牛肉,
咁咪唔駛掙囉！

隨咗有XO醬豉油之外.......(係我同大少嘅)
硬係要整番碟唔辣嘅醬油比小朋友架喇！
唉.....點解醬油裏面有盞水晶燈嘅？

煮煲仔飯最緊要係個底,
事實証明....用呢個煲出嚟嘅飯,
絕對有用瓦煲所煲出嚟嘅效果呀！
正呀....咁我以後就唔会再煲裂瓦煲喇！