感恩

感恩節前夕同大家姐呀..表哥呀...屋企人咁去咗呢度慶吓先！
啲嘢食唔錯架...水準都保持得幾好,
唔知係咪我哋好大食呢？
叫到個部長都話好喇...唔好再叫喇..你哋實食唔晒架！
攪到我哋都唔好意思再叫添.......

顧住密密咁食.....有幾碟同甜品都忘記拍照添！

感恩節又點少得火雞呢....
正日我就喺屋企焗咗隻火雞喇！
今年用老外的方法...醃咗成三日架！
好入味....皮脆肉滑 juicy 到不得了呀,
大家都讚口不絕呀！

用焗火雞啲汁嚟整 gravy 簡直就係原汁原味呀！

薯仔放在火雞烤盤內一齊焗...入晒味好正呀！

焗火雞嘅目的都係為咗煲火雞粥咋....
起肉後用啲火雞骨嚟煲粥就簡直係一流呀....
原汁原味....煲足幾粒钟...超正呀！

實在感恩在這佳節能與家人一起共聚.....
感恩節快樂！