考起我

係人都知我整蛋糕係初哥架啦！
早前姨生 Alex 生日，
咁我就懶醒咁問佢想食咩蛋糕等我整比你啦！
点知佢一口就話想食芝蔴蛋糕，
吓！真係考起我喇？？？

連我自己都未食過芝蔴蛋糕呢！
又決不可失信於孩子.......
結果...............

諗到头都爆
終於試買黑芝蔴粉，
混入蛋糕裹面一齊焗............
個面加上新鮮靚靚生果，
再加上sunflower seed 圍边，
即使個蛋糕唔好食都可以掩人耳目吖嘛！

切蛋糕時個心都跳埋出嚟，
見 Alex 好開心期待個樣就更令我擔心，
好怕令佢失望呢！
終於..................
Alex 好鈡意呀！
Yeah！
不過大家都話芝蔴味再重啲仲正，
知道喇！
真係好多謝大家給我的包容及寶貴的意見，
為了你們.......我会繼續努力！
結果.............
我又在一片讚美的聲中渡過一個快樂的晚上。

能令身边嘅人開心，
我就会比他們更加開心...........仲好滿足添！
快樂......原來可以好簡單。