Happy April Fools' Day

Happy April Fools' Day！

四月一日

愚人節快樂！

話說兩個寶貝食親三文治都要飛边，
每次掉嘅時候都覺得好浪費，
又唔鈡意就咁食咗佢，
結果...............
用焗爐仔輕輕咁焗吓佢，
用嚟當 snack 食啦.......
整沙律放喺面啦............
同樣盞鬼！

以為可以自己慢慢嘆之際，
大小姐行過又攞嚟試........
嘩！好 crunch 呀！！！
喺边度買架Mommy？？？
少爺仔就梗係唔執輸喇，
以九秒九嘅速度飛撲過嚟！
I want to try............
I want to try.............
Mom，so delicious！

無厘头？？？
乜唔係唔食麵包边嘅咩？

以後食 snack 又多個選擇喇！

綠茶蛋糕~~失敗之作

終於給我在日本超市找到綠茶粉，
興高彩烈地趕着回家.........
已急不及待地弄了這個，
綠荼蛋糕，

失敗咗喇！

個面燶佐...........
蛋糕又太乾.............
綠茶味好重.................
仲帶少少苦.....................
總之就好難食喺喇！
巳經跟足食譜架喇.....
究竟問題喺边度呢？？？

教我如何不愛...........？

甜............真係好甜，
再也找不到甚麼比甜更貼切的形容詞了。

兩個寶貝從後園摘回來送給我的小白菊，

加上寶貝有份幫手做的麵條，

再加上大少親手泡製的豉椒雞絲煎麵，

這一切都是甜到漏的感覺，
真教我如何不愛.......
這個甜蜜而幸福的家呢！

找個藉口吧！

咁熱氣........又唔健康，
知道係唔應該炸呢個薯條架喇！
但..........................
屋企有薯仔吖嘛.........
耐唔中一次啫.............
weekend 吖嘛.............
總之就給自己一個藉口吧！

喜歡切得靚靚咁，
加入芫茜碎特別香口，
最後灑上味椒鹽，
好味！滋味！回味！

代糖香蕉合桃提子蛋糕

特地為大姐夫做了這個...............
代低糖香蕉合桃提子蛋糕，
隨了原有的香蕉、合桃之外，
今次攪攪新意思加入提子，
效果更為出眾。

其实做蛋糕都可以有很多變化，
只要你肯勇於嘗試............
能做到迎合各人不同的需要，
這才是我繼續努力的最大原動力呢！

幸福

話說好友 Vicky 前天給我來电
我買咗樣好好玩嘅嘢比你同對寳貝玩親子呀！
昨天她終於到訪我家....................
帶給我的驚喜原來是這部 Pasta Machine，

Vicky 不但送給我這好玩的製麵機，她還親自示範製麵的過程，

少爺仔玩得興高彩烈.........

看見麵條走出來的那一刻，
那种喜悅讓我們都興奮得尖叫起來，
這個製麵機頓時變了我們的新玩意，
孩子的參與給了我們合作的機会，
而最享受的卻是............
讓他們親身体驗製麵的過程，

有可選擇粗、幼的配件

今早巳急不及待弄了做早餐，
我喜歡上湯..........
而大小姐喜歡撈麵，
各式其式..........同樣出色。

再加上大家姐早前包的鮮蝦雲吞，

兩位唔食蝦的小朋友，
十分努力哋.............
將所有蝦都清清楚楚地簡了出來，
將麵放入口的那一刻，
雀躍的心情卻非筆墨所能形容，
好友 Vicky 親手為我做的麵，
大家姐親手為我包的雲吞，
這一刻..............
請讓我衷心的說一聲多謝！
是你們讓我...........
深深的感受到甚麽叫做幸福。