童年時媽咪時常煮的一度菜~~豆角煎蛋，
到了今天自己煮的事候真的萬种滋味在心頭，
總是覺得媽咪煮的就是全世界最好味的。
同大少傾開........
原來他小時候他媽媽也經常炒這個豆角粒煎蛋呢！唔知你哋又有冇食過呢？？買了一大扎豆角，
咁就不如用啲嚟炒牛肉吧！
這個亂棍卜死牛魔王相信大家一定不会陌生吧！
煎封三文魚~~外脆內滑
加埋呢碗老火木蜜瓜湯潤一潤......舒服晒！桃就食得多喇.....蟠桃就真係第一次見，咁就梗係要買嚟試吓喇！雖然貴咗少少....USD1.59 一磅，
但係果真鮮甜多汁又夠爽，
真係一分錢一分貨呢！
唔知呢個蟠桃要唔要好似皇母娘娘嘅蟠桃咁，
要三千年開花，三千年結果呢！
成日怕整牛腩多工，
所以都好少整....
但經大少指點後，
又唔係咁難噃，
今次我就成功的做出....
這個我的至愛..清湯牛腩。
1) 首先將牛腩用薑葱出水大約十分鈡(滚水計)，然後啤水，
目的是將牛腩的油份及汚漬清除。
2) 再煲一煲新水，煲滚後落薑葱及放入牛腩，滾起後轉慢火煮三十分鈡，熄火焗十五分鈡，其间切勿開蓋。3) 重覆步驟 2) 再開猛火後轉慢火煮三十分鈡，熄火焗十五分鈡，步驟 2)+3)的過程中絕不能開蓋。***
不能開蓋目的~~因焗的過程会將煮時的熱力再攻入心，讓牛腩更加易
淋，若開蓋的話，那道熱氣便会流失，大大影響牛腩的質量。4) 將牛腩取出，然後放入用滚刀切的蘿蔔，滚起後轉慢火煮十五分鈡。
5) 跟住熄火，加鹽及糖調味即可放入切件的牛腩一同進食。***想蘿蔔沒有苦味就必須要加少許糖牛腩底做好之後，隨咗可以清湯底即食外，
還可以用薑及柱候醬起鑊，爆香後加入牛腩蘿蔔，
兜勻後加少許蠔油，再加入少許清湯底炆至乾身..大約十分鈡便成。
一味兩食各色其色....同樣出色。
整定煲清湯牛腩喺屋企....
咁就幾時食...想点食都話咁易喇！
世事就係咁架喇，
當你想整嘅時候就冇梅花點嘅香蕉，
得你有梅花點香蕉嘅時候就忙得要死，
好無奈咁將三隻熟到爛的香蕉棄掉，
剩下兩隻無恙的就嗱嗱聲整鬼咗佢，
实在不想浪費呢！
得嗰兩隻香蕉...整得嗰六個，
一人都分唔倒兩個，
結果就梗係我食少個喇.....
講真吖，我 enjoy 整就多過食架！
無錯，就係呢個朱古力香蕉蛋糕喇！
係咪好鬆軟呢? ? ?
其實呢幾日都头痛，
一出去食咗勁味精嘅嘢就係咁，
所以遲遲都唔願整，
但眼見佢哋個個食得咁開心，
真係食少個都願喇！
唉....我開心到头痛都好似消失咗咁嘅，
真係好過食止痛藥呢！
上星期剛為少爺仔生日做了朱古力蛋糕，
這個星期又要為大少準備爸爸節蛋糕，
寶貝們想給爸爸一個大驚喜.....
就是親手為他們的至敬愛爸爸做蛋糕，
一連串的親子活動正式展開，
到處選料...兩個意見多多，
結果所選的都是他們所喜歡的....
朱古力蛋糕....士多啤.梨....藍梅......
今次用咗我喺靚模嚟整，
係咪有啲似雪糕蛋糕呢？
擺滿生果後乜花都睇唔倒喇...... 有小朋友參與要花的時间比較多，真係攪足成朝先整好呢！今次啲 cream 好似溶溶哋咁....好彩都夠滑,不過整成點都好......大少都一樣甜到漏晒喇！
