紫菜肉鬆蛋糕

呢個今次勁失敗....

失魂到無語問蒼天呀.....唉!

先係用錯咗個細模,

太滿咁咪嗱嗱淋倒番落個大模喇!

點知又唔醒起要鋪底紙.......C 未?

出倒模巳經執番身彩架喇,

之前因為轉模...啲肉鬆攪到亂七八糟,

變咗成個蛋糕都混雜有紫菜同肉鬆在內呢!

掃上蛋黄醬諗住卷喇.....

又 C 得喇....太重卷唔起仲想裂咁款,

唔係咁對我吓嘛?????

無計可施之下為有切件上,

盡量將殺傷力减至最低,

以免失禮豆記....

最終變成三文治咁款....


賣相雖然唔得,

但味道出眾.....

一眾食客都話醎醎哋好正,

由於有蛋黄醬、紫菜、肉鬆在內,

立刻成了少爺仔的新寵....

好彩佢哋未見過豆記的原庒出品個樣有幾正唧,

哈哈....免强叫做過關架喇!

鮮奶椰汁糕

睇blog最大樂趣就係揾吓有咩好嘢食,

有咩好煮意...咪二仔底....C跟囉！

呢個之前都做過架喇,

噚日響 Jo姐樹見倒引到我口水都流埋,

屋企又有齊料咁咪試吓用 Jo姐個譜嚟試吓囉!

冇嘢多...又係我啲靚模模出場喇!

 

 
 
 
 

呢個譜譜好香椰汁味哦,

但我大意落錯咗魚膠粉份量,

唔夠滑哦.....失敗!

呢排整乜都失準???????

可能真係要抖抖义吓電至得喇!

Apple blueberry wonton cup

 

剛包完百多隻雲吞...

剩咗二十塊皮唔夠餡包添...失敗!

點算好?

不如整個甜的雲吞杯吧!

第一次試整...個皮焗得燶咗少少添,

不過味道唔錯噃...

做法非常簡單呢!

首先用 350F 焗個皮 10分鐘先...

lemon juice, sugar, cinnamon and nutmeg
加蘋果及藍梅乾煮勻,

收乾水後放入雲吞杯內,

再回爐焗多大約五分鐘,
 until the filling bubbling....即成!

睇吓幾靚仔...


出爐二十件....


帶咗一半比朋友啲小朋友試試,

所剩冇幾.....

大帝們一放學就以狂風掃落葉嘅姿態同我掃清光,

都好....起碼正佢哋先搶嘛!

相信好快會 encore 呢!

下次試吓整咸嘅雲吞杯至得先,

火腿..蟹柳...菠蘿....仲有...!!!

過份...

在家附近開咗間新嘅麥記,

一向唔主張小朋友多吃的我.....

竟然在二月份去咗成一、二、三、四、五.....次有多,

已經多過上年成年去的次數哦!

真的覺得有點過份呢!

破介的原因係....

佢哋竟然整個二月份都做特價來吸引顧客,

天天推出不同的種類來搶錢,

巳經忍住唔睇...唔望架喇,

但兩個大帝就好似錄音機重播咁.....

不停咁喺你耳边提你,

今日有边款餐 buy one get one free 呀!

仲有呢樣嗰樣都有特價哦!

背書都冇咁好記性呢!

終於都敵不過他們的車輪攻勢,

投降了....

呢日係我至 like 嘅魚柳包呀!


熱嘅 Caramel Frappe...


凍嘅 Caramel Mocha 都唔錯架!


Buy one get one free 哦!

薯條汽水一律欠奉....皆因我唔準食,

好彩仲有一個星期二月就會完結,

不然...辟榖多十次都冇用呢!

耐不耐放肆一番都不太過份呢!

Four days long weekend

四天的長假期話咁快就閃過咗,

边樹都冇去哦!

皆因少爺仔要游水.....

大小姐有 tennis 比賽，

咁边樹都唔駛去....

乖乖繼續做我的柴可夫,

係我哋至啱...加埋大少一齊嘛!

好開心哦...

星期六大小姐的 team 巳22 比 2 的大比數打贏其它三間高中,

打咗二十二場...贏咗二十場,

真係唔講得笑...大小姐好嘢呀!

平時日日練得咁辛苦...雖然有啲心痛,

但見她贏波的興奮心情....流露出的那份自信,

証實我們讓她 join tennis team 是正確的决定,

隨了做她的柴可夫之外,

就只有花心思為她弄些美食來支持支持,

呢個新嘗試...用 corn flakes cereal 嚟焗架,

Easy Chicken Casserole

雞肉、火腿粒、大量雜菜加埋 cream of chicken,

鋪上 corn flakes cereal 碎....

350F 焗三十五分鐘即成,

兩個大帝食咗大半碟呢!

連大少都話唔錯唔錯...幾好幾好,

哈哈...呢個隨時可以 encore 呢!

呢個就架輕就熟喇....

火腿芝士焗意粉,


加入大量雜菜...爽呀!

芝士才是主角呢!

膿膿哋...I love it!!!!

焗兩碟嘢咁就一餐架喇....

係咁懶咗少少咁呢? Hehehehe.....

少爺仔轉咗游星期六...唔係咁鐘意呢班哦!

好彩佢游得好....下個月就升班,

希望慢熱的少爺仔能快快適應新隊友喇!

少爺仔鐘意食清蛋糕...

又快手咁為他送上新鮮出爐的雪芳蛋糕,

正到吖.....

少爺仔一口氣咬咗兩大件呢!

忙這個忙那個....

四天的長假期就是這樣的渡過,

今天又一切回愎正常,

下一個長假期就要等到四月 Spring Break 先有喇!

Fruit Tart

三家姐不愛 cream....

特別為她奉上 Fruit tart  來為她慶生,

先焗撻皮...

加糖打蛋白....備用


奶加蛋黄、糖及吉士粉拌勻...


加入奶、蛋黄再煮至杰身,


加入打好之蛋白拌勻... 

倒入撻模內...面上加入鮮果,

少爺仔又出馬喇....

真係幫我唔少呢！

 少爺仔鋪得都唔錯噃.... 


開餐喇....

 
 
 

  


好豐富哦!

三家姐生日快樂!

大家一至好評....超開心呢!

呵呵...呢個係整嚟自己嘆嘅,

大小姐同少爺仔的 DIY 生日咭,

右上角的漢堡飽係少爺仔畫嘅,

靚姐姐就梗係大小姐傑作喇!

二月份的生日飯終告一段落,

可以休一休喇....

忘記了何時開始為親朋做生日餅,

越做越開心....越起勁,

能為身边至親至愛做生日餅而花心思....

我覺得好幸福呢！