四天的長假期話咁快就閃過咗,
边樹都冇去哦!
皆因少爺仔要游水.....
大小姐有 tennis 比賽，
咁边樹都唔駛去....
乖乖繼續做我的柴可夫,
係我哋至啱...加埋大少一齊嘛!
好開心哦...
星期六大小姐的 team 巳22 比 2 的大比數打贏其它三間高中,
打咗二十二場...贏咗二十場,
真係唔講得笑...大小姐好嘢呀!
平時日日練得咁辛苦...雖然有啲心痛,
但見她贏波的興奮心情....流露出的那份自信,
証實我們讓她 join tennis team 是正確的决定,
隨了做她的柴可夫之外,
就只有花心思為她弄些美食來支持支持,
呢個新嘗試...用 corn flakes cereal 嚟焗架,
Easy Chicken Casserole
雞肉、火腿粒、大量雜菜加埋 cream of chicken,
鋪上 corn flakes cereal 碎....
350F 焗三十五分鐘即成,
兩個大帝食咗大半碟呢!
連大少都話唔錯唔錯...幾好幾好,
哈哈...呢個隨時可以 encore 呢!
呢個就架輕就熟喇....
火腿芝士焗意粉,
加入大量雜菜...爽呀!
芝士才是主角呢!
膿膿哋...I love it!!!!
焗兩碟嘢咁就一餐架喇....
係咁懶咗少少咁呢? Hehehehe.....
少爺仔轉咗游星期六...唔係咁鐘意呢班哦!
好彩佢游得好....下個月就升班,
希望慢熱的少爺仔能快快適應新隊友喇!
少爺仔鐘意食清蛋糕...
又快手咁為他送上新鮮出爐的雪芳蛋糕,
正到吖.....
少爺仔一口氣咬咗兩大件呢!
忙這個忙那個....
四天的長假期就是這樣的渡過,
今天又一切回愎正常,
下一個長假期就要等到四月 Spring Break 先有喇!
2012年2月20日 星期一
Four days long weekend
訂閱：
張貼留言 (Atom)
11111111111
回覆刪除用cornflake焗係咪勁脆呢？呢兩兜件頭都唔細，梗係夠一餐啦！
少爺仔好叻喎，加油呀！
喂，呢次個雪芳好正咁喎，仲焗得好好o添！
[Kestrel回覆02/23/2012 14:41:24]個模超貴o架！我用緊嗰個都係十紋雞細模咋！
[毛豆回覆02/23/2012 09:31:29]K , 有腳既雪芳模梗係正野黎啦...質地厚好多架...倒扣又唔使用咩樽頂住...去敗個返黎啦
[Kestrel回覆02/23/2012 01:21:57]係喎，Louisa 都好似係妳呢個雪芳模喎，又係倒扣時有幾隻腳仔 "磅" 住唔怕跌，佢話用呢個模整出嚟嘅蛋糕係明乎其實嘅 "彈糕"！
[版主回覆02/23/2012 01:12:23]cornflake焗出嚟勁脆勁正呀...個個都話好正哦！
個雪芳模正吖嘛...真係一分錢一分貨呢!
呀太..大小姐大殺20方..認真唔簡單呀....勁到呢....當初既決定冇錯, 繼續支持呀
回覆刪除唔係講笑, 3樣野都係賣飛佛, 睇見都感覺到幾咁和味同香口呀....整時又方便省時呢....對煮婦如你我黎講....仲有咩好得過如此這般呀....
[版主回覆02/24/2012 01:22:51]大小姐算係咁喇...但一星期練足十二個鐘有多呀！佢仲開始手腕有少少痛添呀...真擔心呢！
豆記少有三樣都啱噃..咁就唔好客氣喇！
用corn flakes cereal 焗粉好有創意呀!!!脆卜卜小朋友緊鍾意啦!請問你響邊度買厚火腿呀??
回覆刪除[版主回覆02/23/2012 16:14:14]corn flakes cereal 唔係焗粉呀...係火腿同雞肉咋, 厚火腿喺鬼佬超市全都有..十磅裝返嚟自已切架！
嘩⋯大少姐好嘢
回覆刪除見到你咁多咁正既出品真有衝動搬去你隔離
[版主回覆02/23/2012 16:11:03]好吖....齊齊整嘢食好玩呀！
大小姐同少爺仔都好利害喎...叻X10~~
回覆刪除我都好想放假, 暫時爸爸身體唔好, 唔去旅行住...3月初阿寶話陪我去食lunch buffet+行山(平日)...要等四月先有得慶祝+放假喇...
[版主回覆02/24/2012 01:18:36]嘩食 buffet 同行山都好耐冇做喇...好羨慕你哋哦！
你整咁多好野食 ,兩姐弟實錫到你喇
回覆刪除[版主回覆02/24/2012 01:17:18]係我錫到佢哋燶就真喇！