脆皮燒肉

都有成年冇整過脆皮燒肉喇,

年近節日就好似特別多諗頭，

雖然兩個大帝今日開始放假.....

但我亦未見可以樂得清閑,

沒變的是我們這一家仍是那麼樣的為食！

幾忙都好.....都会為至愛們弄出他們喜愛的食物來,

即使花上大半天......來弄這道脆皮燒肉。

醃咗成晚架喇......

加上一吋高的海鹽,

用 450 F 焗 50 分鐘,

取出面上的海鹽,

再用 410 F 烤 25 分鐘,

記住係"烤" Broil 呀！

出爐喇.......

連 Hello Kitty 都想偷食？？？

睇吓好喇！

 

切件上碟.......

唔講笑.....真係皮脆肉滑呀！

 

正到無話可說呀！

冇整咁耐.....水準依然，

可能好耐冇整......

所以大家都食得十分痛快,

個個都掙住食啲脆皮,

真係好耐未試過搶住嚟食架喇！

一碟燒肉就攪到滿屋子都充滿着歡天喜地的笑聲,

喜歡這種感覺.......

就是這種由食物帶來的温暖感覺！