無乜煮意

懶惰的我又懶蟲上身喇.....,

唔想煮飯......更加懶得出去食,

惟有上網摷吓有咩快靚正喇！

比我睇倒呢個.........呵呵呵！

今晚有着落喇.....一路睇就一路笑,

皆因好似夾定咁......

三文魚、通粉、粟米、、火腿粒、鮮奶、芝士.....樣樣都有存貨,

今餐仲唔係你......

先將配料炒香......

加入鮮奶、巳熟的通粉.....最後加埋芝士，

撈勻至芝士煮溶就攪掂架喇！

未食巳經 smell 倒芝士味好香濃呀！

我鐘意加啲香草一齊食.....

味道啱啱好....家中三個食客都讚口不絕呀！

呢個一睇就知係少爺仔架喇....

灑滿日本的 rice seasoning ,

佢話咁樣食正十倍喎........有冇咁誇呀？

快、靚、正的一餐又攪掂喇！

有時無乜煮意嘅時候......

上網睇吓、摷吓....總会有所得着呢！