二十四小時都唔夠呀！

上星期三 8/25 兩個宝貝終於開学喇,

以為可以鬆一口氣.....点知一樣係咁忙,

如往年一樣....一大袋的 donation,

見番朋友仔...今年又同一班呢！

睇吓少爺仔....雞啄唔斷咁！

開学真係人山人海呢！

睇吓少爺仔....未瞓醒咁嘅款！

今年係女嘅做班主任,

醒神啲喇少爺仔.....

踏入第二個星期...

兩個宝貝亦開始習慣喇,

靜下來再細心看看 schedule....

呵呵.....都唔舒服得幾多呢！

星期一、三放学去 YMCA 游水.....呢個係室內泳池所以年中無休！

星期二、四放学去 Library 兩粒鐘,

星期六要去三藩市睇中醫,

星期日返童軍....

加埋每日的起居飲食、煲藥、煲肉汁、做功課、温習.....

今晚又話家長会喎....

少爺仔 5:30pm  to 6:30pm

大小姐就 6:30pm to 7:30pm

OMG！！！二十四小時边樹夠我用呀？

懶得出色

繼續無煮意......追劇吖嘛！

"摘星之旅"是也.....皆因有我喜歡的松哥嘛！

摷倒有咩就食咩喇！

睇吓.....我又卷呀卷.....

羅馬生菜、火腿、芝士......

卷埋就食得....方便到呢！

夾入芝士煎吓佢.....唔駛一分鐘就有得食架喇！

加埋有 poppy seeds 嘅醬汁嚟食....簡直係一种享受添喇！！

有時懶都要懶得出色架！

幾分鐘就攪掂......

仲要個個要 encore 先至夠出色吖嘛！

無乜煮意

懶惰的我又懶蟲上身喇.....,

唔想煮飯......更加懶得出去食,

惟有上網摷吓有咩快靚正喇！

比我睇倒呢個.........呵呵呵！

今晚有着落喇.....一路睇就一路笑,

皆因好似夾定咁......

三文魚、通粉、粟米、、火腿粒、鮮奶、芝士.....樣樣都有存貨,

今餐仲唔係你......

先將配料炒香......

加入鮮奶、巳熟的通粉.....最後加埋芝士，

撈勻至芝士煮溶就攪掂架喇！

未食巳經 smell 倒芝士味好香濃呀！

我鐘意加啲香草一齊食.....

味道啱啱好....家中三個食客都讚口不絕呀！

呢個一睇就知係少爺仔架喇....

灑滿日本的 rice seasoning ,

佢話咁樣食正十倍喎........有冇咁誇呀？

快、靚、正的一餐又攪掂喇！

有時無乜煮意嘅時候......

上網睇吓、摷吓....總会有所得着呢！

食物以外

自從上次二家姐讚過呢間杯奶茶好掂之後,

對呢間茶餐廳再度留意起來,

事源係對呢間茶餐廳的服務態度不願至評,

開咗幾年都係幫襯咗數得出幾多次架！

但最近又好似有所改善咁噃！

少爺仔等食......畫住畫先喇！

先嚟雲吞麵一碗.........

麵質唔錯....如果湯底改良一吓就 perfect 喇！

睇吓少爺仔開心到.......

麻辣牛肉拉麵.....

呢個幾 OK 架！

大小姐食晒成碗咁滯,

我就可以再辣啲都冇問題呢！

呢個就認真嘛嘛哦......

雞翼炸得太乾喇！

少爺仔話想試西多喎.....

澳门咸豬手就真係正到無得頂呀！

焗豬扒飯......

睇相都知有幾正喇！

其实一間食市隨了食物好味之外......

服務態度也占很重要的一環,

巳經唔記得係換咗待應吖.....

還是真的改善了服務態度,

沒有去深究.....現在食得舒服便是了,

反正食物水準亦唔差,

以後又多番一個聚脚的好去處呢！

新鮮到呢...

最近家中不愁沒有新鮮疏果,

早前大家姐送來的兩大箱水晶梨及沙梨,

昨晚大少下班後帶回來同事自己種的大蕃茄,

好大好新鮮哦............

就咁切嚟食巳經好正....甜到呢！

呢啲就係來自三家姐後園的布冧.....

又甜又多汁....雪凍食更一流呢！

再來就是鄰居好友送來的自家種甘桔,

悄悄地放在我的大门前.....

睇見個盒仲以為係外賣添呀！

一打開....原來係有枝有葉的甘桔哦......

睇吓幾咁新鮮........

住喺加州最開心嘅就係隨時隨地都不缺疏果,

最緊要就係夠新鮮吖嘛！

不經意的突然發覺這篇巳是我的第 600 篇網誌哦,

兩年的經營....有這個數字.....不過不失吧！

希望大家繼續支持哦！

肚滿腸肥

繼日本 Buffet 之後.....

又接到三家姐的繳請為我和大小姐再次慶祝生日,

又是一間我喜愛的食市....

蕃薯西米露....不太甜....正！

碟碟都咁正.....真係肚滿腸肥呀！

多謝三家姐同三姐夫哦！