唔得閒就千祈唔好整呢個羅漢齋腐皮卷，
因為實在太多功呢！
一啲都唔難，
但係要有心機、有耐性，
我全部都欠奉，
所以好少整.....
但大家姐話想食喎，
咁就梗係唔会 say no 架喇！
一味兩食....
非常盞鬼架！
首先將沙葛、木耳及紅蘿蔔切絲，
然後調味(蠔油、紹油及少許鹽)炒熟待涼備用。
腐皮裁好大概 8" x 8" 大細一張，
用厨房紙濕水在腐皮上輕抹，
放入巳涼透的醎料然後包好，
包好吹乾(唔乾就煎唔脆)後便可煎香，
然後配喼汁一同進食。
睇吓入面.......外脆內爽，好正架！
三文魚及三文魚子蛋小食十分受歡迎，
將蛋烚熟除去蛋黃後釀入三文魚醬，上面放上三文魚子，
係咪好吸引呢？
用陳醋及橄欖油製成的雜菜沙律，
十分醒胃.......
台柱之一的燒味相併.......叉燒併燒排骨，
真係百戰百勝架.....仲越整越好味，
個個讚不絕口.....攪到我飄飄然添！
怕熱氣嘅你.......就可以加個獻汁先至食，
同樣出色，仲一樣都咁好味添！
獻汁用蠔油、老抽、糖、水及生粉各少許煮好加入腐皮卷，
兜勻即可上碟，
就係咁簡單又方便呢！
明明只是一個羅漢齋腐皮卷，
卻教我弄出這麽多.....
實在是有些小題大做，
不驚意...也沒有刻意安排的一個聚会，
為二家姐到來兩個星期的旅程展開聚幕，
跟家姐們及家人的談笑風生.....
滿屋子人來人往的感覺，
為平常只得我們四口子的家變得生色不少，
十分喜歡及享受這种暖暖感覺........
沒有留言:
張貼留言