側側膊....唔多覺

節瓜好靚...配排骨仲正，
加埋個好駛好用嘅靚煲煲....
懶人又再出招喇！
哈哈....哈哈！！

排骨切件..
滚刀切好節瓜紅蘿蔔，
加埋冬菇、豆卜.....
畧畧調味，不用加水，
炆埋一煲，
不消二十分鈡就攪掂，
真係快...靚...正...呀！

差不多的材料....
我變...變...變...
節瓜、豆卜、冬菇..加埋瑤柱、蝦米同魚醬，
我滚...滚...滚...
咁就變咗個湯，
嘻...嘻...嘻...！

喂...喂...喂...睇唔睇倒我加咗啲飯落去呢？
話咁快就变咗碗湯飯喇！
盞唔盞鬼呢？
嘻...嘻...嘻...！！！

天時暑熱食番碗湯飯都幾唔錯架！
雖然用咗差不多嘅材料，
但見佢哋個個食得都不知幾開心，
日日煮飯...边得嚟咁多新煮意吖？
側側膊....唔多覺的一餐又過關喇！
Yes！！！