一向都好少煮涼瓜，
因為怕小朋友唔鈡意食，
所以就千方百計咁睇吓点整会冇咁苦。
第一味係...........豉椒涼瓜炆排骨
佢哋排骨就當然大大淡咁咬啦！
但涼瓜就............
睇見少爺仔一咬落去就苦 dell dell 個样就好鬼好笑啦，
大小姐都好勉强咁吞咗落去,
但從此就冇見過佢挾第二件涼瓜入口啦！
仍然記得嗰一次...............
暑假番香港嗰陣喺我姑仔屋企食過，
食過呢碟涼瓜炒蛋........
從未有諗過用涼瓜去炒蛋呢個 combination，
好好味呀..............
第二味係............涼瓜炒蛋
涼爪切得薄薄咁.........
加点糖再加啲蛋，
咁就攪掂啦...........
呢碟大家都食到 "lam lam 脷"呢！
Yeah！成功啦！
两個馬騮終於肯食涼瓜啦.........
仲再冇苦 dell dell 咁嘅樣添。
天氣乾燥咁就梗係要潤一潤啦，
再加個老火合掌瓜湯............
簡直就係無械可擊呀！
涼瓜，甜太記得自己都系少女時代開始才中意食，因為總覺得食左之後，快面吾會出痘痘﹗﹗﹗
回覆刪除直到現在，甜太都很愛吃，甜太在泰國探姑婆的時候，她的傭人都中意涼瓜炒蛋，真是很好吃﹗﹗﹗可惜甜生不能吃涼瓜，直情一聞到涼瓜味道，甜生已經會作嘔﹗﹗所以甜太到現在都不敢試整﹗﹗﹗
甜太不吃牛肉，甜生不吃涼瓜，所以我們不能吃涼瓜炒牛肉﹗﹗﹗哈哈﹗
[版主回覆12/15/2008 16:31:00]人哋話涼瓜係半世瓜，我細個都唔食架，但而家又食，真係好奇怪呢！
嘩...正呀!! 我好鍾意食涼瓜煎蛋...好好食o架...可以食多兩碗飯o架.
回覆刪除[版主回覆12/15/2008 16:31:00]利害呀你！
...唔食苦瓜...苦過我條命哦...
回覆刪除[版主回覆12/15/2008 16:36:00]你仲後生，遲啲你就会食架啦！ 煮苦瓜想唔苦就先將苦瓜用水滾一滾，然後過冷河，溺乾水用鹽醃一醃先至煮，咁就唔苦又唔喼，仲甘甘哋添！唔信試吓吖！ 涼瓜對身体好有益架！信不信由你！
妳真係用心呀！居然諗到點令佢哋食連我都覺得苦的涼瓜！比十個叻妳呀！超級好媽媽！！
回覆刪除[版主回覆12/15/2008 17:20:00]多謝多謝！
I've done bitter melon + egg too, but I still find it bitter! H loves bitter melon so I cook it once in a blue moon.
回覆刪除[版主回覆12/16/2008 08:14:00]煮苦瓜想唔苦就先將苦瓜用水滾一滾，然後過冷河，溺乾水用鹽醃一醃先至煮，咁就唔苦又唔喼，仲甘甘哋添！唔信試吓吖！
我都好鍾意食苦瓜, 不過家人冇一個食.....
回覆刪除[版主回覆12/16/2008 08:14:00]Too bad.......
好嘢喎，一個涼瓜兩味餸，我淨係食涼瓜炆嘅排骨咋!
回覆刪除[版主回覆12/16/2008 08:15:00]涼瓜炆嘅排骨！正吖！
甘甘地...都係亞蘇o個句...苦過我條命...
回覆刪除我由細到大都愛吃涼瓜，是最愛！
回覆刪除我仲意涼瓜肉片多點好好味！如果２人食要１個涼瓜會唔會太多？
回覆刪除涼瓜點煮先唔苦？肉片係咪１定要醃好長時間？唔落豆鼓可以嗎？