挑戰極限的又一傑作...........烤火雞

如果唔係有栗子、咸蛋.........
如果唔係有糯米、乾瑤柱..........
如果唔係雪櫃有金华火腿...........
如果唔係雪櫃有隻火雞.................
如果唔係睇咗 Annie Leung 的烹飪書.............

這一切一切就好似係有心安排似的,
一個做嘢打衝鋒、絲毫沒半点耐性；
做乜鬼都快手快脚、一個快言快語的我.....
連自己都不敢相信的奇跡出現咗啦.........
繼極品燒雞之後............又一極品之作，
我竟然前前後後花咗两日時间去整呢隻烤火雞？？？
原因只有一個............就係我实在太太太過為食啦！
相信就算我出街都唔会有一個餐館会做這一道菜呢！

首先將以上香草牛油放入皮與肉之間，火雞內外灑上鹽和胡椒粉,醃過夜。

首先蒸好糯米、乾瑤柱(撕成係)、二隻咸蛋黃(切粒)，

與此同時煲好栗子，脫皮脫依然後切粒，

起鑊炒香所有饀料，然後加上金华火腿跟糯米飯攪勻，待用。

---取出醃了一天的火雞，將餡料塞進火雞，火雞皮掃上牛油，
---火雞放在烤架上雞胸向下，烤架放烤盆上，
---然後將4杯雞湯倒進烤盆裏；
---用两大張錫紙包住烤盆，用意是封住濕潤的空氣。
---預熱焗爐华氏425度，將火雞放進焗下層，焗 40 分鐘。
---然後轉华氏325度，重 12 磅的火雞焗一個半小時。

---與此同時用無鹽牛油起鑊，開始準備燒汁，
---先炒火雞頸十五分鐘，然後加入洋葱、甘筍(切粒)再炒十五分鐘，
---再加入4杯雞湯，煮至剩下2杯左右，隔渣待用，
---待火雞焗好後將滴烤盆上的火雞油脂和汁液一同加入肉汁裏，
---用鹽和胡椒粉調味，然後加入生粉埋茨。

焗完啲糯米飯真係入味道吖.........見唔見倒我的至愛栗子粒呀？仲有........

肉質好 juicy呀！

咁正嘅火雞就梗係要整番啲靚薯蓉嚟襯番架啦！加埋 sour cream 仲正。

其实到此為止呢隻火雞都仲未講完架！
最精彩嘅部份通常都会喺最後先会出現..........
就係將火雞起肉之後，將啲骨用嚟煲........
煲咩.............咪就係火雞粥囉，
真係好味道到無得頂呀！

正在大家享用我的成果--------焗火雞之際
不時都聽倒.....正呀！........好味呀！............無得頂呀！........
突然少爺仔的一句.............
Mom, You are the iron chef of America.......
You are the best mom in the whole wide world.
估唔到少爺仔人仔細細.........
竟然講嘢咁誇張。
不過他的誇張卻讓我樂上大半天，
也讓我更加有動力去整多啲好嘢比大家食。

阿蘇話齋: 做一道菜有 heart 冇 heart 一睇就知，
我想，做完呢道菜.........我手脚都軟晒啦！
要有 heart 真係唔係咁簡單呢！
不過..........我深信我会.......一定会.......
因為冇嘢開心得過見倒我的至愛食得咁開心、咁滿足，
縱使幾攰都好.........
喺呢一刻乜嘢都唔記得晒啦，
喺呢一刻我就只有滿足這两個字吧了！

再次慶幸自己買了 Annie Leung 這本書，
每道菜都非常用心去寫，用心去做，
也讓我能跟着她而做出有水準的菜式，
她.............這樣才是真正的有 heart 吧！