喜歡吃,喜歡煮,喜歡講,喜歡寫及喜歡聽

2010年6月22日星期二

停不了的"食"

今次落唐人埠有兩個目的,

一係買些喺呢樹先有嘅嘢......鱷魚肉,

二係同少爺仔睇中醫,

西醫對少爺仔可說昰束手無策,

對於照腦我都有所保留...怕幅射，

惟有試吓睇中醫喇！

攪掂晒都成六点幾...所以就順便喺樹開餐,

喺唐人埠真係好難揾好嘢食架....

今日唔同往日喇.....水準比起十年前差了很多呢！

呢間叫做食咗咁多年都算不過不失喇！

例湯~~青紅蘿蔔煲排骨

羊腩煲

排骨煲飯

清炒菜心

蒸鰂魚

肉丸海參煲

羅漢齋煲

綠豆沙

每次去唐人埠都会去如意齋買外賣....酸齋係我嘅至愛,

糯米壽司也昰必選之一呢！

內裏有花生、紅蘿蔔及冬菇...好味！

少爺仔的藥方....

醫生一望就話佢有好多風,

把埋脈就話係肝虛.....

雖然我唔係好明....但都試吓喇！

執咗三劑試吓得唔得。

好驚佢唔肯飲藥呢！

少爺仔的第一濟中藥今日終於煲好咗,

加咗少少蜂蜜....好彩少爺仔都肯飲,

中醫又教我每日比肉汁少爺仔飲，

試咗兩日...加上開始咗游水,

希望對少爺仔有幫助喇！

2010年6月21日星期一

人多"好煮意"

無論係去飲茶或食飯....人多一定有着數,

點心可以叫多幾款....晚飯就可以点多幾味餸囉,

係咪好盞鬼呢？

襯父親節...就同家姐、姐夫及姨甥去咗覓食，

嘩...叫到一枱都滿滿的....好有滿足感呢！

艇仔粥

鯪魚球粥....無味嘅,

雲吞麵叫咗兩碗...保持水準,

炸兩幾OK喇呢次....

廚師推介.....豆苗帶子腸, US$5.00 超多料呀！

仲有魚片芫茜腸又 load 唔倒相上嚟....激 C 人呀！

上海小籠包...太正喇！足足叫咗兩打呀！

淨係大少、大小姐同甥生仔每人都各自食咗六隻呀,

認真誇張....真係正到唔講得笑呀！

呢個多魚米線真係差到呢.........一定冇下次呢！

米線粗到烏冬咁...又無味！

北京片皮鴨一隻都係 US$19.00.....認真超值又好味！

沙翁熱辣辣...US$3.00,

仲有葡國海鮮飯同半隻海南黃毛雞 load 唔倒張相上嚟,

就係咁....個個都食到飽晒,

然後轉戰 Great Mall 血拚一番,

各自各精彩呀.......

咁啱 Mall 入面有個 Kids section 嘅活動,

咁大小姐同少爺仔就梗係要参與一吓至得喇！

少爺仔創作 Father's Day Card 比大少呀...

大家睇唔睇倒係咩呢？

Popcorn decorate ....

整完可以攞走架....

穿意粉頸錬...

少爺仔話係送比大少架！

喺 Great Mall 逗留咗兩個多鐘,

又轉戰去咗南三藩市嘅 Daiso,

再落唐人埠.....過了好充实的一個大半晝。

待續............。

2010年6月18日星期五

韓國泡菜炒豬肉豆腐

第二次醃的 Kimchi 噚日出關,

火速送上韓國泡菜炒豬肉豆腐,

把握了上次所做時的不足,

今次做得可說是完美無瑕了。

大少的讚不絕口...使我有飄飄然的感覺呢,

連大小姐都食到津津有味....真不可少看這小伙子呢！

少爺仔就只得一個表情....係咁搖頭話咪攪佢喎...哈哈哈！

少爺仔唔食辣...

咁就梗係要整番碟佢嘅至愛炸龍脷比佢至得喇！

佢有碟私人唔辣嘅日本沙醬嚟點架...

我落咗椒鹽嚟醃啲龍脷呀....

吓.......少爺仔話正到 C 呀！

我的至愛 Wasabi 醬加 Wasabi 芝蔴....抵 C 呀！

羅宋湯週不時都會煲架喇,

健康嘛....

但我家少爺仔唔鐘意落茄膏....

所以煲好後要預留一大碗比佢先至再落茄膏，

哈....少爺仔都幾奄尖架喎！

其实仲有碟西蘭花架...但 load 唔倒張相上嚟...無計！

呢餐三餸一湯又攪掂喇！

其实我仲回味緊碟韓國泡菜炒豬肉豆腐呢！

2010年6月17日星期四

暑假開始剛一星期,

但巳忙得不可開交....24/7全天候媽咪真的唔易做呢！

平時返晒学都會有幾個鐘自己的私人空間...做吓運動、上吓網咁,

但回顧呢個星期....充实到呢！

呢日就同佢哋去咗 Old Sacramento 一日遊,

上一次去巳是大小姐五歲的時候,

那時少爺仔仍未出世....他就更加是第一次嚟添喇！

這也是一個值得帶小朋友一到的好去處,

足足可以讓你消磨一整個下畫的好地方呢！