喜歡吃,喜歡煮,喜歡講,喜歡寫及喜歡聽

2008年9月8日星期一

玉子豆腐~~終於買倒你啦！

自從食過玉子豆腐之後就愛上咗佢，又香蛋味又滑又健康嘅豆腐，今日終於比我買倒啦！咁就更係即時煮嚟食啦！

玉子豆腐炒雞胸

唔講得笑..............佢真係又香又滑架！

再嚟一個絲瓜炒木耳

今日D絲瓜勁靚呀！

是日靚湯係瑤柱蝦米節瓜湯

靚仔又点少得呢！

一餐少肉多菜而健康嘅晚餐又攪掂啦！仲非常、非常之好味呀！大小姐
同少爺仔都不約而同要裝飯添呀！

大少就更加不在話下啦！好好好滿足
呀！因為個個都食得好開心呀！

太忙吧了！

一向響往寧靜悠閒的生活，但卻終日忙過不停.............從沒有好好的坐下來去欣賞身边的境物；原來這些都是近在眼前..........只要你肯緩下腳步來。

這天朝早正忙着清理大小姐的房間，打開窗紗頓覺有种清新的氣息踴進屋內，原來這湖光山色就在眼前，只是自己的步伐太快又或是太忙吧了！

在整理大小姐房間的過程中，看着眼前的一個個毛公仔，沒有一点煩厭
的感覺，反而令我勾起很多很多美好的回憶................時間真的過得太快
了，看着這些卻又讓我懷舊一番呢！

看似是平平無奇的毛公仔，但對我來說卻是一大埋美
好的回憶呢！
1) Snoopy 着住嗰套衫係少爺仔滿月宴時所穿的禮服，唔講你唔知，呢套衫係我大家姐兒子滿月時所穿過的(她一直留下直到我的少爺仔出世後便轉送給他)；而她的兒子今年已經十八歲啦！真係好有歷史價值呀！
2) 而Micky 所穿的就係大小姐滿月宴時所穿過的，
3) 黃色Micky 係大小姐的第一對涼鞋，
4) 粉紅白這對是大小姐的第一對包頸波鞋，
5) 藍色Micky係少爺仔的第一對布鞋，
全部都着得好新淨架，所以我亦好好咁保存至今，可能的話便留給他們的孩子作為紀念吧！

2008年9月6日星期六

沒有三餸一湯的日子

忙碌的生活巳教人喘不過氣來，如果仍然要每天三餸一湯白飯任裝的話，我就C啦！好彩我成家都係"順得人"，我煮乜佢地就食乜；但對於食佢哋亦有對質量一定的素求，所以一D都唔可以麻夫架！

最近愛上了整碟头飯，方便、快捷、但一D都唔麻夫架！唔信就睇下啦！
選料非常重要，所謂重質不重量，呢次我揀佐呢個...................

菠蘿紅洋葱炒鮮雞胸肉

鮮雞肉比雪雞較鮮甜滑溜

記住每餐多菜少肉，飯少少就夠啦！

湯水係不可少的，碟头上係方便好多呢？

有時偷下懶就煮碟头飯都未嘗不是一個好選擇嚟架！起碼到目前為止都未有收到任何投訴，我就當佢地收貨架啦！起碼少爺仔一路食就一路話好味呀！媽媽你真係好叻架唧！嘩！就係呢句就巳絰甜到入心啦！想唔繼續碟头飯都唔得啦！真係多謝晒我的至愛們對我既包容！

我会努力咁再諗多D新款式嚟報答你哋架啦！

2008年9月4日星期四

花園走一會之有得食

我家的後園种了些果樹，一向係由大少打理的，所為男主外就女主內丫嘛！哈哈！在豪不為意的情況下............竟然被我發現佐以下既境觀添。

無錯！係雪豆黎架

呢棵係柑呀！

終於等到佢結果啦！唔知幾時有得食呢？

呢棵係橙呀！

白花檸檬在此！

佢係蕃茄呀！

我就梗係拿拿聲摘落黎先講啦！

雖然唔係好多，但都煮一味雪豆雞球喎！

自家种既就梗係唔同D架啦！新鮮！

全部果樹都係由BB樹買黎种既，所以咁細棵，不過有果都偷笑啦！仲有得煮黎食添，真係令我雀躍萬分呢！仲好滿足呀............................大少真係應寄一功呢！

2008年9月2日星期二

金島潮州海鮮館

話說從香港返美唔夠兩日就有朋自遠方來，分別是從Montreal 與家人來美渡假的Helen表姐. 加上從Chicago與家人來美渡假的叔叔，再加上在港跟我們一起回來的二家姐，真係好耐都未試過咁高興咁齊人。大家都不約而同的玩佐兩個星期，雖然現在大家都返回自己的剛位，但這次的gathering真的令我十分難忘呢！
記得同Helen地去試過呢間位於苖必達市的金島潮州海鮮館(近大华99及奇华餅家側)，味道相當唔錯，價錢亦十分公道，值得一試呀！

時間過得好快，盡趕曲終人散，但這深厚的親情卻教人回味又再回味呢！
期待着下次的相聚快些來臨吧！

蜜挑、藍梅鬆餅 + 藍梅cup cake

星期一係Labor Day，但完全沒有意識出街，可能係香港玩佐三個幾月既關係啦......番黎之後大家都懶洋洋咁；再加上聽日又要番学呢，咁就实行乖乖地係屋企hea下啦！
無聊之際不如整下鬆餅比大家下午茶吧！

果醬下面有塊桃架...............

我就比較鐘意冇果醬既，冇咁甜丫嘛！

新鮮藍梅係焗好個鬆餅先加上去既，新鮮丫嘛！

食完又話唔夠喉，咁我咪拿拿聲整幾個cup cake 啦！

今次D藍梅就放埋入去焗，味道更好

一人一個咪走鳼啦！

食完又柴娃娃全家移去大廳度玩Wii Sport and Will Fit啦！這個下午就在這
一遍的笑聱中渡過。

2008年9月1日星期一

Leftover 都可以變得好美味

自從去過位於滿地可downtown 的御茶園之後，就一直難望那個蛋包飯。味道一般，但當擺上檯的那一刻.............大小姐跟少爺仔的那份驚喜、那种發自內心的笑聲叫我到現在也難忘。小朋友就是那麼的簡單，這小小的一個蛋包飯也得樂上半天。正因為此...............看見雪櫃有碗冷飯，靈機一觸.............我的DIY蛋包飯就誕生了！