冇問題

部腦冇事....心情勁靚,

煮乜都冇問題.....

大少話好耐冇食牛腩喇!

好呀....

要煮成三粒钟架喎.....冇問題,

要飛水又要再浸冰水架.....冇問題,

仲要乜乜物物架喎......全部都冇問題,

我的傑作....柱侯牛腩蘿蔔牛筋煲,


隨咗柱侯醬之外仲落咗正南乳,

用我嘅正煲嚟煮又边駛三粒鐘至得架!

兩粒鐘就攪掂喇....正到呢!

生菜底.....


開飯喇.....



其實想煮牛腩都唔係咁難,

最緊要就係之前嗰 part......

一定先用薑葱出水...隨去肉質的腥味,

然後立刻用有冰塊嘅水浸住整塊牛腩(係一大塊唔好切),

至冰塊完全溶解........咁樣塊牛腩先會嫩滑,

係咪好簡單呢?

家中食客一至好評,

蘿蔔夠淋....牛腩牛筋超夠味又易咬,

啲汁用嚟撈飯一流呀....

估吓大少食咗幾多碗飯吖嗱?

少爺仔都擦咗兩大碗呢!