這個星期以來......

天天在忙.....忙車來車去喇、忙煲藥喇、忙乜乜物物喇！

已經成個星期冇寫 blog 喇！

有种心有餘力不足的感覺.....

首先多謝大家對我扭傷的關心及問侯,

已經好咗好多喇.....應該好番九成左右喇！

也是時候為大家報告一吓近況架喇....

*************************************************

早前跟大家提過帶咗少爺仔去睇中醫,

兩個星期的中藥療程過去....仍未覺有甚麽進展,

仍然是每晚抽筋....要按摩才可入睡。

大少有日在機緣巧合的情况下偶遇十年前的舊同事,

談及起少爺仔的情况实在另人擔心....

但世事往往就是這樣的奇妙,

原來她的女兒以前也有差不多的情况,

她立刻介紹她們全家睇了二十幾年的中醫師給大少,

她說就是這位中醫師把她的女兒治好了。

星期六我們便尊程去拜會這位中醫師,

這位中醫師十分有性格....言不多....但句句精簡,

他先替少爺仔把脈....然後把他的病况一一道來,

他把我的一大堆疑團一一解開.....

長話短話....重点是少爺仔的抽筋情况有得醫、沒有哮喘！

他先開了七天的中藥給少爺仔......着他一星期後才來看看進展如何！

********************************************************

急忙回家為少爺仔煎藥......

奇跡就在這晚上發生了..........

兩個多月以來的第一次.....

沒有脚痛...沒有抽筋....更不用按摩而自然入睡,

实在讓我感動....開心得像中了六合彩似的。

一個星期下來.....天天有進展,

剛過的星期六又帶少爺仔去覆診,

中醫師說情况已有改善.....

繼續努力....好快會好番晒咁話,

這一句真的像給了我一枝強心針似的....給了我希望！

山渣餅是少爺仔肯飲中藥的原動力,

這次的中藥比上次的明顯"杰"好多......

這次開咗十四天啲療程.....咁咪唔駛個個星期山長水遠出去喇！

呢啲係我嘅....我又睇埋調理吓身體至得，

少爺仔学游水已經進入第五週,

可說是進步神速.....見佢学得好開心呢！

少爺仔可以自己游喇..........yeah!!!

少爺仔....你要加油呀！做個健健康康的男孩子哦....

*********************************************
至於大小姐的義工生涯亦在上星期正式開始喇！

昂然進入第二週.........

膚色是曬得黑黑的......加上天天游水....顯得十分健康哦！

加上每星期三日打網球及每日在家做呼拉圈.....

佢今曰可以一口氣做咗 670 次冇跌過呀.........利害呀！

見佢咁有恆心做義工及運動....我都好開心,

但有時見她疲倦得一回家便趟在沙發上卻有点心痛呢！

沒有正式度過她現在有多高.....

但我今天突然發現跟她對話時要微微向上望,

我的宝貝大小姐已經比我還要高呢！

突然覺得時間是否過得快了一点呢？

***********************************************

這個七月份真的忙過不停....

尤其是這兩個星期....好似打衝鋒咁,

跟時間賽跑.........

皆因除了以上的原因以外....就是有貴賓到訪囉！

差不多天天在外用膳......累C了,

今天我的貴賓二家姐返咗香港,

但星期五又要迎接另外三個從香港來的貴賓,

他們第一次來美国玩.....真的要好好的安排一吓呢！