捨不得....

踏入十二月就只可以用一個字嚟形容....就係 "忙"！

這天, 全家帶着興奮的心情把聖誕樹端了出來,

正準備着手砌的時候.....才發覺樹的底部破了！

全家人頓時呆了似的....OMG！

這棵跟我們渡過了十三個聖誕的聖誕樹終於要退下來了,

還記得它是我和大少在三藩市買第一間屋時表哥送給我們的入伙禮物,

還清楚記得表哥說"一個温暖的家...又怎可缺了棵聖誕樹呢！"

由第一間屋搬到現時住的新居....從未有想過要離棄它,  可是....

記憶猶新...那時大小姐仍未出世, 轉眼間大小姐今年巳經十二歲了,

時间飛逝.....叫也叫不回來！

實在捨不得...可是樹的底部破了又怎可再站穩起來再為我們展光芒呢？

不捨也不得....實在有點不是味兒。

想不到...真的想不到, 

昨晚大小姐躲在房间遲遲未有出來露面,

但卻突然跑出來叫我合埋雙眼...話有驚喜比我咁話,

真的不知她壺裡的是甚麽乾坤？

睜開兩眼一望...只見奪眼生光的坐枱聖誕樹不停在我眼前閃呀閃！

好不奪目....接着便問大小姐喺边樹買架？好靚噃.....

乜買呀！係我親手整架..........

吓.....當堂 O 晒嘴,  實在無話可說呀！

原來大小姐見我棵舊聖誔樹爛咗好唔開心,

專登花心思親手整咗呢棵聖誔樹仔比我,

真係好感動呀....睇到她摺的千語鵞及蝴蝶嗎？

真的是活靈活現..還有那些小禮物及寧噹...奪目非常。

真沒想過她會有如此的心思細味呢！

今年就不放大聖誕樹了........

就由大小姐親手做的這棵聖誕樹專美吧！

嘅然大小姐咁乖又咁有我心.....

立刻為她做了這個朱古力曲奇來甜一甜我嘅心肝寶貝先。

喂喂喂...........你睇少爺仔幾心急！

就算真的有幾捨不得......也得要接受事實,

接受女兒送給我的這個比朱古力曲奇還要甜的事實呢！