迷你Q版雜錦冰皮月鉼

下星期六就係中秋節，
預祝大家有個甜蜜的中秋夜！

人在異鄉嘅我今年学人整月餅，
眼見如月整得咁開心，所以咪心癢癢咁跟住整囉！

屋企有齊所有材料...咁噚日咪動功囉，
整得鬼咁開心之際......好喇攞個月餅模出嚟先，
吓........唔係咁大鑊嘛？？？
原來一直以為自己有嘅並唔係月餅模嚟架！當堂差點心臟病發....

料又整好晒叻...點辦好呢？
為有摷晒啲日本壽司模出嚟頂住先喇！
所以咪變咗迷你雜錦版嘅冰皮月餅囉..............

呢個係用大壽司飯模吸出嚟嘅.....最似月餅係呢個架喇！

呢個係原味冰皮

呢個係芝蔴冰皮之雙飛糊蝶

菠蘿

雞雞

大肚佛

壽司

呢次全部都係用奶皇餡

最後整到手都軟埋...越細就越難越多工呀！
索性整圓形算喇！
嘻....冰皮糯米糍...哈哈哈！

基本上呢次製作叫做成功,
因為味道唔錯.....
忠實粉絲團試過都話無得頂，
呢次真係錯有錯着呀！
小朋友一人一個迷你裝...真係連切都慳番呀！