正常

兩星期多的聖誕新年假期咁就放完,

今朝一切回復正常.....一早送咗兩個大帝上學去,

少爺仔一見倒啲 friends 就三五成群雞啄唔斷咁,

行埋去聽吓講咩先......

吓!  原來各自各響樹晒攞咗咩聖誕禮物,

你一言我一語...好似鬥緊边個啲禮物勁啲咁,

笑 C 我呢!

再留意吓週圍.....

原來不論男女....個個都係講緊同一話題呢!

話就話放假....

但其實我都安排咗好多課外的補充練習比少爺仔做架!

大小姐都有架...但佢巳經全部自動波不用我擔心,

但少爺仔始終仲細...不時要我從旁提點至得,

冇法喇....放完假又有一連串嘅 test 吖嘛,

唔練習多啲边樹得架....

真係本本都有做架....

仲加埋我啲 print out 呢,

幸好少爺仔都落於合作啫。


真係好認真架...

有時自己響樹諗.....

希望自己不會變成現代的虎媽媽吧!

話雖如此....

也有輕鬆的時刻嘅...話晒都係放緊假吖嘛!

呢日就同佢哋去咗呢個大小姐兒時個個星期都去嘅公園玩,

由於現在搬了...所以少爺仔都係第一次去架咋,

見倒恐龍又點會放過至得架...

 

 

咁都得....

 

 

雖然公園的設施更新了不少,

但大小姐還依然記憶猶新....

那些年....一起到這公園走過的日子,

玩過痛快就更係要去醫吓個五臟廟至得啦!

  
  

  

  

呢個醎酸菜胡椒豬肚湯唔係度度有得食架!

可能玩到攰晒....少爺仔有點倦意呢!

 

食完就梗喺去Shopping 架喇!

去襯日本埠嘅書局....

兩位大帝一定每人執一本...實冇走雞架!

輕而易舉咁駛咗我四十個大咩呀!

不過佢哋開心就得架喇....


日本小食又點少得....

呢個芒果棉花糖超正哦.....讚!


去得日本埠就自然去埋唐人埠架喇....

又 shop 一大輪之後就去咗呢度食最正嘅煲仔飯,


雖然係除夕夜....但亦未如想像中的熱閙,

兜咗一陣風便帶着滿足的心情歸家去呢!

返到屋企冇耐....

踏正零晨十二點就聽到四處放煙花的聲響,

忍若聽見人羣大叫 Happy New Year!

連忙望出窗外...急忙拿起相機,

影得就只有這少少....

實在太快喇....索性欣賞好了!

熱閙過後...一切回愎正常,

二零一二年亦就是這樣俏俏的開始了,

踏入新的一年新景像....

在此祝願大家新年快樂!  健健康康!  開開心心!