梅花点

由於家中長期有香蕉存貨的關係，
耐不耐啲梅花点嘅香蕉就会出現喺我眼前，
鬼死咁癢眼.........唔想浪費嘛！
想唔整都唔得喇！
好，開功大吉。

研究結果顯示，
呢兩仲係最受歡迎嘅！
就係杏仁同朱古力喇！

今次喺蛋糕內加入杏仁片，
效果更佳，保持水準一樣，
snack 同早餐都有着落喇！

怕傷心

自從上次去 San Diego 探望完大少舅父之後，
屋企就多咗隻..............？？？
話說大小姐同少爺仔見過佢哋之後，
一直在我們耳边哀求.........
我哋好想養隻狗仔呀！

其实我都好鈡意養寵物，
記得童年時家中飼養了..........
兩隻狗、四隻貓、一對鸚鵡、一大缸魚，
與及數之不盡的花花草草，
我們幾姊妹童年時直至長大也從不愁寂寞。

那麼為何現在又沒答應孩子們的要求呢？
怕傷心.....................
經歷過多次跟陪伴我長大的寵物們的生離死別，
心痛的感覺比處死更難受，
腦海中未曾把牠們忘懷過，
正正就是這個原因...........

完全可以理解孩子們的渴求，
就像童年時的我一模一樣........
孩子........給我一些時间吧！
暫時用這個補上可以嗎？

                            

                         

看到大少為牠們準備的衣衫嗎？
相信距離養真的不遠矣。

花之戀

曾幾何時這间壽司店開到成條街，
算是創香港食日本餐的先河，
每次去到訂咗位都要等，
而每次去到都一定耍食呢個........
花之戀壽司

買咗新鮮魚生，
腦海就浮現咗佢出嚟.......
雖然我整得好鬼肉酸，
但都有個型吧！
巳足夠我懷念一番呢！

縱使紅磡這條街巳改头換面，
境物依然，人面全非，
但卻抹不去人门對過往風光時代的回憶，
身為香港人的你......
又会可否記起它是誰呢？

今時今日

結婚週年嗰晚去咗順峰度食飯，
有少少失望........
睇吓少爺仔嘅紅燒乳鴿，
係咪似鹵水多過紅燒先？
今次仲有啲唔熟添.......
同四眼哥哥講佢話係咁架喇！
大家咁熟信我啦......
你次次都叫兩三隻...点敢厄你吖！
呀大哥，你知就好啦.....當我 Lulu 咩？
唉！而家咁嘅時勢.....仲咁嘅服務態度，
真係頂佢唔順呀！

日式鐵板海鮮玉子豆腐......矇矇哋唔係手震係熱辣辣啲煙呀！

蜜汁骨.....唔知点解会係辣嘅？

呢個我嘅至愛........雜菌鵝腸

沙鍋魚头煲........未試過咁正呀！

咸魚雞粒炒飯有水準，咸魚好鬼多呀.......正！

話說大少舅父母由 San Diego 嚟渡假，
佢哋話鈡意去順峰，
咁尋晚咪又去囉，
上次個沙鍋魚头煲咁正咪再叫囉，
点知今次到呢個唔熟......
唔係嘛？魚頭都唔熟？
点知四眼哥哥今次鬼死咁好聲氣，
即刻整過碟比你....唔好意思呀吓！
咁就差唔多.......
今時今日這樣才是真正的服務態度吧！

回到中学時

中一時期的我........
每天都要步行十五分鈡回家吃午飯，
每次經過見倒学校飯堂的午飧都好恨食，
豉油雞肶飯.....
免冶牛肉飯......
而我嘅至愛卻是這個洋葱豬扒飯。

到了中二的時候........
成功讓我增取到不用回家食午飯了，
開心不矣，
而飯堂的餐牌竟然冇变，
但同学們巳開始出外食 lunch 了，
隨了落雨的日子，
我才有機会食到這飯堂的出品，
雖然如此..........
卻教我念念不忘。

上次回港時到我的母校走了一趟，
跟大小姐及少爺仔步行上山的時候，
覺得條斜路好長.........
真佩服自己當年每天怎可以來回數次，
都能面不改容呢！

回憶總是美好的..........
現在吃着自己弄的洋葱豬扒，
跟孩子們訴說自己的兒時往事，
一幕幕的開心情境，
又一一的重現眼前呢！

幸運是我

二零零九年 四月二十三日
星期四     晴

今日是我跟大少的結婚週年紀念日，
四月二十三日註冊，
十二月二十四日擺酒。

每年今日我都会懷舊一翻，
翻看我們的結婚照片........
細看我們的一些好有紀念價值的物品。

白色的兩張咭是當年結婚的請帖，
前面的就是回禮給每位賓客的小禮物，
是大家姐當年在美國為我選購及親手做的，
粉紅絲帶上印有我們的名字及結婚日期，
她還親自由美國帶回香港給我們，
她的那份心意令我們一生難忘。
大家看到酒杯內的朱古力嘛........
十多年後的今天仍沒有变樣呢！

記 憶悠新......
每年我亦会拿出當年所穿過的婚紗及晚裝整理一番，
不境這是我的一翻心血呢！
從設計、用料、配件到製成，
足足花了九個月的時间，
為求盡善盡美.......
更赴日本及韓国去買齊所須，
雖然辛苦......但十分雀躍，
更要多謝的就是我至愛的二家姐，
不眠不休的為我這個妹妹縫製出所有的服飾，
由婚紗晚裝(六件)到姊妹晚裝(六件)及花女裙(一件)，
全是我的設計.....她的手工，

這件婚紗的珠片全是我和二家姐人手釘上去的

我就是這樣.....人家結婚那有穿黑色呢？
反傳統的我就偏偏愛黑色，
幸好相方家長都給了我們很大的空间去自由發揮。

只影了部份的相片............
這麼多年了，我怕款式巳經過時罷了，
但我仍好好的保存着它們，
這裏有着我無窮無盡的美好回憶呢，
而這些回憶對我來說卻是歷久常新！

回顧過去，
可以用幸運這兩個字來形容自己，
由細到大身边都有關懷愛護我的家人，
大少的出現........
更為我的生命添上無比的精采！
這一切都教我感恩，
我会好好珍惜這一切.......
這一切無窮無盡的愛，
大少，I love you！

欲罷不能

又見倒兩隻梅花点嘅香蕉喇！
手都痕埋.......
今次整 cute 版香蕉蛋糕仔，
仲有四种唔同 topping 任君選擇。

杏仁香蕉蛋糕仔                                          提子香蕉蛋糕仔

核桃香蕉蛋糕仔                                          朱古力香蕉蛋糕仔

少爺仔鈡意朱古力、提子.......
大小姐鈡意杏仁、朱古力.........
大少話樣樣都鐘意喎！
我？？？
就梗係核桃、杏仁啦！
加埋杯茶.......不得了呀！
簡直就係欲罷不能呀...........
咁你又鐘意边款呢？？？