稱心滿意而又簡單的一餐

其实自家製的salad dressing 都可以好好味，又方便、簡單、仲好好味添。而我今日整既沙律 dressing 就更加上了一大堆的愛心呢！皆因呢兩枝Olive oil & 陳醋係我cousin Helen 老遠從Montreal 帶過黎比我既，味道真的相當唔錯，用晒之後希望可以係呢度搵倒差不多質素既產品啦...............我特別鐘意枝陳醋，一大碟沙律我只係用佐兩滴咋...........就巳經好好味啦！我真係即時就愛上佐佢啦！

十分喜歡這個附帶的水松蓋

樽型仲好靚添..................

好啦！睇下睇唔睇得出有幾多樣野係沙律度？

有Avocado、cherry tomatoes、fresh mozzarella balls、baby carrot、fresh blueberry、羅馬生菜、青提子、仲有就係主角olive oil & 陳醋呢！

再配以燒牛肉Tortillas，

配埋枝白酒，簡直就係一流呢！

簡單、稱心而又健康的一餐，真係好滿足呀！

令我回味又回味的下午茶餐~~~豬扒飽

自從試過呢間係馬安山新城市廣塲內既" Daddy's Cafe" 的下午茶既豬扒飽以後，就心思思成日想再去，佢個飽面好鬆脆，但內面就非常軟熟；豬扒又滑又多汁，總之就係正係啦！

大小姐叫既豬扒公仔麵一樣咁滑溜..............

蜜糖綠茶........仲有珍珠茶超好味！

少爺仔既豬扒沙律............佢就更係食埋我D薯條啦！

無錯，餐連冷飲都係HK$廾幾蚊有交易，好抵呀！最重要係好味丫嘛！如果唔係咁遠，係香港個陣我諗我地一定係常客唧。

一個令我窩心又貼心的生日禮物

今年的生日禮物當中，最令我稱心滿意的要說是這個大飯桶了，它確实為我慳番佐好多時間呀！講真丫，一個电飯煲真係大大話話可以用上十年八年，点都有五年以上，從未有注意到它的進化，直至收到佢...........
实在難以置信日本科技竟然去到如此境界呢！唔信？睇下啦...................

外型超靚仔

有時鐘，仲有得米的种類選擇呀！

開始煮同煮熟好就有音樂提醒你,好cool呀！

最抵死既就係連semibrown rice的水位調節都有

仲有sushi 同 粥都有，Oh My God！

仲有埋耳仔添..............

咁就硬係忍唔住要試下佢啦！真係完全唔駛用腦架！煮幾多米就跟住煲上面的份量落水，又唔駛睇火，話咁快就有粥食啦！

又佐佢我咪有多D時間玩Will fit 啦！
多謝晒你呀............Helen

我的新玩意~~~~水晶宝宝

從香港帶回來的行李足足有六件咁多，再加hand carry，執都有排執啦！縱多宝貝當中就是這水晶宝宝能脫顈而出，要趕怏為大家介紹................皆因我太鐘意佢啦！

對於香港人來說巳不算是甚広新玩意了，但對我來說就好似發現新大陸般的興奮，起碼係美国我未見過有得賣呢！ 因我十分喜在室內种植各种盆裁，有水种亦有用泥种的；令我最苦腦的就是那些蚊芝仔，但這個水晶宝宝实在太可愛啦！用佐佢就唔会再有蚊芝仔，又乾淨，仲好鬼靚添呀！唔信就睇下啦.....................

買番黎係咁細粒既

用水浸過夜就会慢慢变大既

有彩色亦有水晶透明色

插起花係咪好靚呢？                   插蓮花竹都一样咁靚呀！

係咪好靚呢？

好處就係無須每日淋水, 水晶的大細表示水份充足与否, 但你見到表面水晶变細粒的時侯，你只須要取出水晶沖洗，待变大後再放回花瓶便可，係咪超簡單呢！

更有傳說將兩粒水晶宝宝放在一起浸，慢慢会變三粒，好似生BB咁，係咪好神奇呢？等我下次試下真唔真先。