喜歡吃,喜歡煮,喜歡講,喜歡寫及喜歡聽 : 大小姐的事

顯示具有 大小姐的事 標籤的文章。顯示所有文章

2012年12月17日星期一

窩心

上星期五喺網球場接大小姐時,

她興高彩烈地跑過來...

急忙地 show 比我睇她剛收到的禮物,

大小姐每逄星期二、三、五放學後都會當義工,

幫教練手去教一啲六至十二歲的小朋友打網球,

係其中一個學生親手做來送給所有義工哥哥姐姐的....

so sweet 哦!

大小姐話沒想過會收到學員所送贈的禮物,

感到所做的得到認同...好窩心咁話喎!

2012年10月18日星期四

"Wrap" 吓先

十月都過咗一大半喇...仲熱成咁???

今日最高仲話會有華氏90度...真係發神經呀!

大小姐中期考試...所以呢兩日都放早,

接放學時醒番杯凍飲比佢......

為她努力考好呢個試而加加油吧!

Lunch 通常都會簡單啲,

難得可以同大小姐撑枱脚,

大小姐話想食啲平時少食嘅嘢喎....

見買咗盒超正啲燒牛肉,

好.....一於就 Wrap 返吓至得,

好簡單咋.....

羅馬生菜、芝士、大大塊燒牛肉....

再加入美味的日式沙律醬,

真的是味力沒法擋呢!

仲有.....

橫掂整開薄餅....就咁落芝士煎吓佢,

摺埋就攪掂...剪開佢當小食都不知幾咁盞鬼呢!

簡單而美味的一餐.....

為大小姐打打氣呢!

加油....加油!

2012年9月10日星期一

從小到大我都沒有刻意去强迫孩子們做任何事,

亦不喜歡把自己的意願加到孩子身上,

所以他們在課餘的興趣班上自由度極高,

只要他們有興趣的...我都盡量滿足他們,

只有嘗試才能真正發掘他們的潛能,

為獨是游水....

深明欺山莫欺水的道理,

所以只有游水是我惟一要求他們所必學的。

大小姐 and 少爺仔都是三歲便開始便學游水,

無論家住在那裏? ...有多忙? ....有多累?

都風雨不改...每個星期都車佢哋去練習,

年中無休.....

這種習慣已成了我們生活的一大部份,

大小姐比較勇敢....所有三歲時的第一次,

無論是返 pre-school、學游水、跳芭蕾舞、綱琴,

她都沒有流過一滴眼流...每天都是開開心心上學去,

但少爺仔就哭得要命....單是 pre-school 也陪了他兩星期上課,

上游水堂時我更要躲起來...因他一見倒我就唔肯游,

幸好艱難的階段巳經走過.....

剩下來的就是那一份堅持和毅力,

到了今天....

大小姐高中的第一年生涯巳結束了,

昨天她興高彩烈地拿了這張獎狀回來...

不停地多謝媽咪...又攬又錫,

隨了學術成績優異之外...

還在網球校隊中得到好成積,

此外....體育老師更要她認真考慮????

我話咩事呀??????

原來體育老師好希望她能加入學校的泳隊,

在美國這边一上到高中...

游泳是體育科之一....必須識游及通過考試才能及格,

大小姐班上四十人....

原來有二十人不懂游泳,

其餘二十人只懂自由式 or + 蛙式,

不敢相信...懂四式的就只有大小姐一人,

由於大小姐兩年前已受過救生員課程的訓練...亦考獲証書,

亦懂得各式的正確跳水方式,

就其中的 pencil dive 老師更要求大小姐作示模式的教導其他同學,

同學都紛紛問她點解游水咁叻仲游得咁快???

她說: 這一刻腦海中浮現的是一幕一幕媽咪不辭勞苦帶她去學習游水的情景,

這十一年來的努力...這天她終於看到了少許成果,

佢話.....好有滿足感呀媽咪!

就此...我們開了一次家庭會議,

詳細地分釋出是否加入游隊的利與幣,

選擇一項精的運動無疑對上大學是有幫助,

拔.....大小姐巳經是網球校隊,

加上天天都要練習....

若再加入泳隊...也是天天要練習,

大小姐又如何分身呢???

在我和大少而言...當然覺得游水會舒服過打網球,

但最終都是跟大小姐的意願去走,

我們的角色就是給她無限的支持及鼓勵,

還有時間...就讓她好好的考慮吧!

同時....她在讀日文面亦考取得好成績呢!

可惜的是大小姐學校不承認這所日本學校,

換句話說...數分不可 credit 到學分上,

為此攪到大小姐好唔開心....

諗過放棄....改為自學,

反正她都自學緊韓文...那就隨她吧!

而學國語呢間學校就認可,

最終她選擇了國語...同少爺仔一同努力!

現今孩子有着他們的一套想法....

給他們意見以外...就只有支持及鼓勵呢!

2012年1月17日星期二

不想有遺堪

三日 long weekend 咁又放完,

大少不用上班...噚日陪少爺仔去游水,

有 daddy 陪嘅少爺仔特別古靈精怪...動作多多。

大小姐今日正式開始下學期,

上星期收到密函通知...

被選為校隊代表....係 Tennis team,

上學期就被選為合唱團....大小姐都果真唔簡單呢!

一睇習訓及比賽的時間表...當堂呆咗,

每日放學練兩粒鐘.....仲係風雨不改,

仲要間唔中晨咁早7:00am....and 星期六練習,

阿女你頂唔頂得順呀?????

大小姐能夠入選校隊巳經開心到飛起,

因為個 coach 來头不少....全加州總冠軍哦!

大小姐在過去三年巳經私底下跟佢學 tennis,

而他亦正是在大小姐所讀高中任教,

所以大小姐實走唔甩比佢促咗入校隊啦!

能夠入選為她感到驕傲....

但卻怕大小姐應付不下繁重的功課,

為此昨天舉行了家庭會議商討,

結果就梗係....讚成喇,

可能也是我的過份擔心,

其實部份入隊要求也十分嚴勵,

隨了球技以外...各學科亦必須在 B 級成積以上方能入選,

之前已否缺了大小姐入泳隊一次,

不想在她的人生路上留了一點點的遺堪.....

好吧.....就讓這寶貝女兒嘗試一吓吧,

反正未來的路上亦會有着更多更大的挑戰在等待着她呢!

既已決定....

做父毋的就只會無限量的支持,

就當是一個小小的磨練吧!

開家庭會議時的小插曲~~

少爺仔話: 咁我係咪聽日開始同家姐一齊去練波呀?
我都係跟 Coach Dave 學 tennis 架!
二話不說就走咗去攞齊晒啲網球用品。

真係比佢笑 C .....
*************************************************

煮咗大小姐最鐘意食嘅咖喱洋蔥豬扒飯,

十分醒胃...大小姐食到要添飯呢!

就當是為你打氣吧!

努力加油呀!

永遠支持你哦!

2011年10月15日星期六

默默地.......

自從大小姐升上高中後....

我巳經好少為她的事而操心,

一切都自動波攪掂,

而我的大部份時間亦尊注在少爺仔身上,

星期五亦是一直以嚟我覺得是最 relax 的一天....

但........自從大小姐九月開始星期六上午學日文之後,

生活習慣上巳有所改變.....

Friday night 再唔可以太夜瞓.....

開始了一連串星期六在日本學校的義工....

一吓子.....頭也大了哦！

十月份巳忙足三個星期.....

10/1 到學校做 Recess Monitor

10/8 PTC meeting....

10/15 即係今日...要整 onigiri 返學校做義賣,

10/29 運動會又要返去廚房度幫手,

真的有點湍不過氣來的感覺....加上一點點的壓力哦！

今朝又係神咁早起身.......5:00am.

花咗三小時....

整咗三十件 Onigiri ........

仲要包得靚靚.....

學校 recess time 賣比同學們做 snack,

US $0.50 一件,

價錢合理吧.....

收入全歸學校的基金所有,

而我亦身體力行的支持....

據大小姐報告所得....

所有 Onigiri 全部售罄...一件不留,

啲同學仔仲大讚好味添....

呢幾件留比大少同少爺仔享用嘅.....

Rice ball with salmon inside....

外面亦灑上 salmon rice seasoning....

Yummmmmmmm.....

凡事都須要付出....

大小姐好努力咁學習她的日語.....成績也不俗,

而我亦身體力行地默默的支持着她,

只要是為她好的.....

而我能力範圍又做得到的話....

我都願意付出哦！

每星期六早起一點又算得係咩吖！

從小知道大小姐對畫畫的天份...

但卻想不到她在外語上也同樣興趣甚濃,

流利的英語及廣東話，

加上努力學習當中的西班牙語及日本語,

我成日問佢究竟有冇混淆不清架！

佢就話見咩人就講咩話囉....一啲都冇問題哦！

阿女.....努力加油呀！我哋冇限量咁支持你架！

跟大家放享一吓大小姐近期的作品吧！